Шаҳрам Ғиёсовнинг навбатдаги рақиби ва жанг санаси маълум бўлди

  • 7-11-2018, 20:24
  • 381
  • Спорт
  • Шаҳрам Ғиёсовнинг навбатдаги рақиби ва жанг санаси маълум бўлди
    Олимпия ўйинлари совриндори, ҳаваскор боксда жаҳон чемпиони Шаҳрам Ғиёсов 24 ноябрда профессионал боксдаги навбатдаги жангини ўтказади. Шу куни Ғиёсовга мексикалик чарм қўлқоп устаси Мигель Замудио рақиблик қилади.

    Маълумот учун, Шаҳрам бугунги кунгача профессионал боксда 5 та жанг ўтказган ва уларнинг барчасида ғалаба қозонган. У 4 та баҳсни муддатидан олдин якунлай олган.

    27 ёшли Замудио эса профессионал боксда 53 маротаба жанг қилишга улгурган. Жангларнинг 41 тасида у ғалаба қозонган (25 таси нокаут эвазига). 11 та жангда эса мағлубият аламини тотиб кўрган (9 та нокаут). Яна битта жангда эса дурангга эришган.

    » » Шаҳрам Ғиёсовнинг навбатдаги рақиби ва жанг санаси маълум бўлди