15:41 / 10.12.2018
2 445

Боксчи Василий Ломаченко WBA камари ёнига WBO камарини ҳам қўшиб қўйди

Боксчи Василий Ломаченко WBA камари ёнига WBO камарини ҳам қўшиб қўйди
Профессионал бокснинг енгил (-61, 23 кг) тоифасида WBA камари соҳиби украиналик Василий Ломаченко 9 декабрь куни Нью-Йоркдаги "Madison Square Garden" аренасида пуэрториколик Хосе Педрасани мағлуб этиб, WBO камарини ҳам қўлга киритди.

12 раунд давом этган жангда Ломаченко тўлиқ устунлик қилди. 11-раундда у рақибини икки марта нокдаун ҳолатига туширишга муваффақ бўлди. Якунда ҳакамлар бир овоздан 119-107, 117-109, 117-109 ҳисобида Ломаченко ғалаба қозонганини эътироф этишди. Натижада Ломаченко енгил вазнда бир йўла иккита камар соҳибига айланди.

Мазкур ютуқ украиналик спортчи учун профессионал боксдаги 12-ғалаба (9 таси нокаут) бўлди. Бундан ташқари Ломаченко битта жангда ютқазган.

Украиналик боксчи айни вақтда вазн тоифасидан қатъи назар дунёнинг энг кучли боксчилари рейтингида биринчи ўринда бормоқда.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Боксчи Василий Ломаченко WBA камари ёнига WBO камарини ҳам қўшиб қўйди