ОЧЛ-2019 саралаши доирасидаги "Пахтакор" - "Эйр Форс" (2:1) учрашувидан кейинги матбуот анжуманининг иккинчи қисмида мезбонлар устози Шота Арвеладзе иштирок этди. Унга ўйиннинг энг яхши футболчиси Марат Бикмаев ҳамроҳлик қилди.
"Биринчи навбатда мухлисларга раҳмат айтмоқчиман. Уларсиз нечта гол урамиз, нечта ғалаба қозонамиз ўз мазасини йўқотади. Рақиб мавсум ўртасида, бизда эса мавсум ҳали бошланмаган. Янги футболчилар кўп, ҳали жамоавий ўйин шаклланмаган", - дейди Шота Арвеладзе.
"Мухлисларга раҳмат айтаман. Келиб бизни қўллаб туришганидан хурсандман. Кўп имкониятларга эга бўлдик. Аммо мавсумнинг биринчи ўйини бўлгани учун ҳам бироз қийин бўлди. Энг асосийси ғалабага эришдик ва кейинги босқичга чиқдик", - дейди Марат Бикмаев.
- Агар Бикмаевнинг зарбаси голга айланмаганда сизнинг бошқа режангиз бормиди?
- Рақибларда ўйин давомида битта вазият бўлди. Улар ўша вазиятни 0:2 вақтида яратишди ва гол уришди. Мухлислар Бикмаевни алмаштиришни сўрашди, аммо охиригача унга ишондим.
- Жасур Яхшибоев ҳақида нима дейсиз?
- У мавсумолди йиғинлар вақтида ўзини яхши кўрсатди. Бугун ҳам яхши ўйнади деб ўйлайман.
- Жароҳат олган уч футболчидан қай бири "Ал Наср" билан баҳсга тайёр бўлади?
- Афсуски ҳеч ким навбатдаги баҳсгача тайёр бўлмайди.
- Адашмасам 15 йилдан сўнг "Пахтакор" клубига қайтдингиз. Қандай ҳиссиётлар?
Марат Бикмаев: - Албатта ҳиссиётларим ажойиб. Ҳар ҳолда футболга мана шу клубда кириб келганман. Ёшлар жамоасида ўйнаганман. Мухлислар мени яхши кутиб олишганидан хурсандман.
- Жамоада етакчи ким?
- Егор Кримец, Марат Бикмаев, Жалолиддин Машарипов, Санжар Қувватов етакчи.
Нарзулла Сайдуллаев
Манба: championat.asia “Замин” янгиликларини “Инстаграм”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рамзан Қодировнинг 19 ёшли қизи медаль билан тақдирланди
Россия дунёдаги биринчи водород ёқилғили автомобилни тақдим этди
Америкалик олимлар барча учун бирдек фойдали жисмоний фаоллик турини аниқлади
Damas учун онлайн контрактация очилади
Германияда мактаб ўқувчилари оммавий равишда ислом динини қабул қилмоқда
Ўзбекистонда ўтган уч ойда қанча автомобиль ишлаб чиқарилган?
Владимир Путин «Крокус»да содир этилган теракт учун ўч олишга чақирди
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди