14:56 / 15.02.2019
5 284

Шоҳжаҳон Эргашев эртага тонгда ўзи каби енгилмас Фоксга қарши жанг ўтказади (фото)

Шоҳжаҳон Эргашев эртага тонгда ўзи каби енгилмас Фоксга қарши жанг ўтказади (фото)
Фото: «Оlamsport.com»
Ўзбекистонлик профессионал боксчи Шоҳжаҳон Эргашев Тошкент вақти билан эртага тонгда навбатдаги жангини ўтказади.

Айни пайтда Бутунжаҳон бокс ассоциацияси (WBA) рейтингида бешинчи ўринни эгаллаб турган боксчимиз АҚШнинг Канзас штати Малвэйн шаҳридаги «Kansas Star Arena» мажмуасида америкалик Майкл Фоксга қарши рингга кўтарилади.

Бугун боксчилар анъанага кўра тарозидан ўтиш маросимида иштирок этишди. Эргашев 63,5 кг тош босди. Шоҳжаҳондан бўйи сезиларли даражада баланд бўлган Фокс ҳам деярли шунча вазнга эга эканлиги ойдинлашди, деб хабар берди «Оlamsport.com».

Эслатиб ўтамиз, иккала боксчи ҳам ўз фаолиятларида ҳали мағлубият аламини тотиб кўрмаган. Ҳатто дуранг ҳам йўқ. Фокс 19 та жангнинг барчасида ғалаба қозонган. Эргашев ва Фокс ўртасидаги жанг эртага соат 06:00дан бошлаб «Sport» телеканалида тўғридан-тўғри намойиш этилади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Шоҳжаҳон Эргашев эртага тонгда ўзи каби енгилмас Фоксга қарши жанг ўтказади (фото)
[/banner_pushhouse