Ўзбекистон Республикаси Қуролли Кучлари академиясининг 4-босқич курсанти Бекзод Нурматов Россиянинг Владивосток шаҳрида 24-29 апрель кунлари ўтказилган жанговар самбонинг “А” сериясига кирувчи чемпионатда ҳам навбатдаги ғалабага эришди.
Европа ҳамда Осиёнинг 15 давлати, шунингдек, Россиянинг 20 дан ортиқ вилоятидан келган 200 нафардан зиёд самбочилар Яқин Шарқ федерал университети спорт залида “Юрий Потапов мемориали” номидаги 22-халқаро турнирда ўзаро куч синашди.
82 килограммгача бўлган вазн тоифасида иштирок этган ҳамюртимиз Бекзод Нурматов финалда россиялик кучли рақиб, Иван Грачовга қарши татамига чиқиб, 9:0 ҳисобида мутлақ ғалабага эришди.
Қашқадарё вилоятида туғилган Бекзод Ўзбекистон номини жаҳон аренасига олиб чиқиши биринчи бор эмас. У 2016 йили, Академияда 1-курслигидаёқ Германияда ўтказилган қўл жанги бўйича халқаро чемпионатда кумуш медални қўлга киритган эди.
Уч карра Осиё ва халқаро турнирлар ғолиби, жаҳон чемпиони ҳамда жаҳон кубоги соҳиби Бекзод Нурматов жорий йилнинг апрель ойи бошида Қирғизистон пойтахти Бишкек шаҳрида ўтказилган аралаш курашнинг Гран-при туркумига кирувчи “Батир баши” IV этнотурнирида ҳам ғалабага эришиб, чемпионлик камарини қўлга киритган эди.
Мудофаа вазирлиги матбуот хизмати
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Зеленскийга украиналиклар ҳақида кутилмаган янгилик айтилди
Damas учун онлайн контрактация очилади
Эрон зарбаси катта зарар етказмади, лекин Исроил барибир ютқазди...
АҚШнинг Суриядаги ҳарбий базасига ракеталар ҳужум қилди
Швейцария президенти Путинга мактуб йўллади
Зоҳида Умарова нима сабабдан ўғли ва келини билан бирга яшамаслигини айтди
ҲАМАС етакчиси: Исроил Рафаҳга кирса, Фаластин халқи оқ байроқни кўтармайди
Германиянинг Knauf компанияси Россиядан бутунлай чиқиб кетишини тасдиқлади