10:59 / 08.06.2019
2 688

Эден Азар расман «Реал» футболчисига айланди

Эден Азар расман «Реал» футболчисига айланди
Мадриднинг «Реал» клуби «Челси»дан Эден Азарни сотиб олганини эълон қилди. Бу ҳақда клубнинг расмий сайтида хабар берилди.

28 ёшли футболчи билан 5 йиллик битим тузилган. «Реал» Азар учун бонуслар билан бирга ҳисоблаганда 130 милллион фунт тўлайдиган бўлди. Бу эса мадридликларнинг янги трансфер рекорди ҳисобланади.

Азарнинг Мадриддаги таништирув маросими 13 июнь куни бўлиб ўтади.

Маълумот учун, Эден Азар «Челси» сафида 7 мавсумни ўтказди. У бу даврда 352 та ўйин ўтказиб, 110 та гол урди. 2 карра Англия чемпиони бўлди. Англия Лига Кубоги ва мамлакат кубогига эга чиқди. Шунингдек, 2 марта Европа Лигаси ғолиби бўлди.

Қайд этиш жоиз, Жамоанинг аввалги трансфер рекорди 2013 йилда Гарет Бэйл орқали ўрнатилганди. Ўшанда «Қироллик клуби» Бэйлни «Тоттенҳэм»дан 85,3 миллион фунтга сотиб олганди.

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Эден Азар расман «Реал» футболчисига айланди