Исроил Мадримов мексикалик рақибини нокаутга учратди

Профессионал бокснинг супер ярим ўрта вазн тоифасида (-69,85 кг) рингга чиқаётган ўзбекистонлик Исроил Мадримов (3-0, 3 КО) навбатдаги жангида ҳам муддатидан олдин ғалабага эришди.

Нью-Йоркдаги Madison Square Garden аренасида бўлиб ўтган жангда Мадримовга мексикалик Норберто Гонсалес рақиблик қилди. 10 раундга мўлжалланган рейтинг жанг Исроил Мадримовнинг тўлиқ устунлигида кечди. 6-раундга келиб Исроил томонидан берилган кетма-кет зарбалардан сўнг ҳакам жангни тўхтатишга қарор қилди ва техник нокаут қайд этди.

-Get The TKO
-Backflip In The Ring

Israil Madrimov is a SAVAGE. ? pic.twitter.com/SDrm7QJkGG

— DAZN USA (@DAZN_USA) June 9, 2019

Шу тариқа, Мадримов профессионал рингдаги учинчи жангида ҳам нокаут эвазига ғалаба қозонди. Бунгача у мексикалик Владимир Эрнандесни (10-2, 6КО) ва венесуэлалик Френк Рохасни (24-3, 23 КО) иккинчи раунддаёқ полга қулатганди. «Замин»ни Telegram’да ўқинг!