"Мен қопдаги мушук эмасман, мен "Special One" - Моуриньо ўзини нима учун бундай деб аташини айтди

Кўпгина машҳур жамоаларнинг собиқ бош мураббийи Жозе Моуриньо ўзининг характери ҳамда МЮдаги фаолияти ҳақида гапирди.
- Нима учун сизнинг майдондаги ва ҳаётдаги ҳусусиятларингиз бир-биридан фарқ қилади?
- Балки, бу менинг хатоим. Мен жуда ёпиқ инсонман. Ишлаётган вақтим ёлғизликни истайман. Умуман олганда футбол мураббийи - ёлғиз инсон. У ҳар доим ўз фикрлари, ҳаёллари ва сезгилари билан бир ўзи қолади. Ҳа, унинг ёнида доимо ёрдамчилари, мураббийлар штаби ёрдам беради. Бироқ керакли қарорларни бош мураббийнинг ўзи чиқаради ва қабул қилади.

Балки ёпиқ инсонлигим менинг айбимдир. Чунки одамлар фақатгина 90 дақиқани кўриш учун келишади. Чунки мен камеранинг олдида ҳам ўзимни тута билишим керак. Кўчада мени кўриб қоладиган инсонлар: "Сиз жуда ёш кўринар экансиз. Мен сизни янада озғинроқ ёки семизроқ, бўйи баландроқ ёки пастроқ деб тасаввур қилгандим", дейишади. Телекамералар эса доимо умумий ҳолатни ўзгартириб кўрсатади.

Мен қандай бўлсам шундай инсонман. Мен ўйнамаяпман. Мен ўйнаётганларнинг ўйинларини кўриб тураман. Барчаси табиий. Мен голларни нишонламасам, бўлаётган ҳодисалардан мамнун эканлигимни билдиради. Агарда сувни отиб юбориб, ёки тепсам... Барчасини ўзингиз кўрдингиз. Агарда табассум қилишга мажбур этадиган ҳолат бўлса, албатта табассум қиламан. Менга бу ёқади.

- Сиз МЮда 2016 йилда иш бошлагансиз ва 2019 йилгача танқидлар остида қолдингиз.
- Ўша пайтларда МЮ учун осон давр эмасди. Биз Европа лигаси совринини қўлга киритдик. Аммо бунга одамларнинг муносабати бошқача бўлди.Чемпионатни иккинчи ўринда якунлаганимизда, бу мен учун катта ютуқ каби кўринди ва мен ўзимга: "Яхши ишляпсан, янада кўпроқ кучингни ишлатиб, хизматингга ярашасини олишинг керак. Бу эса жуда кам", - дегандим.

Агарда кейинги жамоамда иш бошласам, клубнинг лойиҳаси жуда улкан бўлади ва ўшанда мен матбуот анжуманига табассум-ла кириб боришга ваъда бераман. Ҳозирда фақатгина шуни ваъда қила оламан.

- Нима учун ўзингизни "ўзгача" деб атайсиз?
- "Челси"да иш бошлаганимдаги илк матбуот анжуманимда менга қарата: "АПЛда ишлашга тайёрмисиз?" деб савол беришганди. Мен ўшанда ичимда: "Нимааа? Мен ҳозиргина ЕЧЛни ютдим. Сен ҳали мени ҳеч ким сифатида кўряпсанми?", деб ҳаёл қилдим.

Ўзимни бўшаштирдим ва: мен қопдаги мушук эмасман (иборанинг оригинал варианти «not one from the bottle», яъни, "ҳеч ким шиша идишдан тушмаган"), мен "ўзгача" ("Special One")ман. Кейин "БАМ". Барча менга ёпишиь олди. Муаммо йўқ. «Замин» янгиликларини «Вконтакти»да кузатиб боринг