Сауль Альварес Ковалёвдан тортиб олган чемпионлик унвонидан воз кечади

^{Фото: Валерий Шарифулин/ТАСС}
Мексикалик боксчи Сауль Альварес россиялик Сергей Ковалёвга қарши жангдан кейин қўлга киритган WBO чемпиони унвонидан воз кечади. Бу ҳақда спортчининг жамоасида маълум қилинди.

Аввалроқ Ковалёв Лас-Вегасда ўтган жангда Альваресга 11-раундда нокаут билан мағлуб бўлиб, унга ярим оғир вазн тоифасидаги чемпионлик камарини бой берганди.

Мексикаликнинг камардан воз кечишига унинг яна ўрта вазнга қайтиши сабаб ҳисобланади.
Альварес ушбу жанг учун ўрта вазндан иккита тоифа юқорироққа – ярим оғир вазнгача сакрашига тўғри келган.

Альварес россиялик устидан ғалабага эришгач, ўзи учун 4-вазн тоифасидаги чемпионлик унвонини қўлга киритди. Ковалёв эса жангдан кейин тиббий кўрикдан ўтиш учун шифохонага жўнатилган.
Ҳозирда 29 ёшли мексикаликнинг ҳисобида 53 та ғалаба, битта мағлубият ва иккита дуранг натижа бор. «Замин»ни Telegram’да ўқинг!