Суперлига 2-турида "Қўқон-1912" устидан қозонилган ғалабадан кейин "Металлург" бош мураббийи Андрей Шипилов ўз фикрларини билдириб ўтди.
- "Қўқон-1912" биринчи турда чиройли ғалабага эришди. Шунингдек, бизнинг жамоа ҳам Олмалиқда муҳим натижани қайд этди. Икки жамоа ҳам ушбу баҳсга юқори кайфият билан етиб келди. Ўйин учун барчаси ажойиб эди: ажойиб об-ҳаво, ажойиб стадион, ажойиб мухлислар...
Биринчи бўлимда биз кўзланган барча вазифаларни бажариб олдик. Иккинчи бўлимда "Қўқон-1912" ўйинни тўлиқлигича назорат қилди. Балки рақиб бугун мағлубиятга, биз эса ғалабага лойиқ эмасдик. "Қўқон-1912" ҳам юқори савияда ўйин кўрсата олди. Чемпионатда шундай пайтлар келадики, мана шундай ўйинларни кўрсатиш керак бўлиб қолади.
Йигитларга эътирозим йўқ. Икки жамоа вакиллари ҳам бугун учрашув якунига қадар фаол бўлишди, курашишди. Бироқ иккинчи бўлимда биз ўзимизнинг ўйлаган футболимизни кўрсата олмадик. Чунки натижадан келиб чиқиб ўйнай бошладик. 1:0 вақтида бизда ҳисобдаги фарқни кўпайтириш учун қулай вазиятга эга бўлгандик. Умуман олганда, "Қўқон-1912" вазият, аутлар, стандартлар яратишда биздан илдамроқ бўлишди.
- Айтганингиздек, иккинчи бўлимда "Қўқон-1912" ўйинни назорат қилди. Ўшанда ўйинни ўзгартиришни истамадингизми?
- Буни истадим. Ўйиннинг бориши бироз бошқачароқ кетди. Ўзгаришларни кечиктиришга тўғри келди. Шахзод ўзини яхши томондан кўрсата олди. Ўнг қанотга Тошпўлатовни туширишни ният қилмагандим. Режамда фақатгина чап қанотни кучайтириш бор эди.
- Ўйиндаги тартиб, сариқ ва қизил карточкалар ҳақида нима дея оласиз?
- Тўғри, қизил тўғридан-тўғри берилмади. Иккинчи берилган сариқда рақиб унчалик қаттиқ жароҳат олмаганди. Кўрганингиздек, жароҳат олгани сабабли Аббос Отахоновни алмаштиришга мажбур бўлдик. Икки жамоанинг биринчи турдаги ўйинини кўрсак, жамоада тартиб биринчи ўринда бўлганини, рақибларга кўполлик ишлатилмаганини гувохи бўламиз. Ўйинда кичик фоллар, кичик элементлар жуда кўп бўлади. Балки "Қўқон-1912" бизнинг ўрнимизда бўлганида бошқачароқ йўлни танлаган бўларди. Футболчиларимга эса ҳеч қачон майдонда ётиб олиб, симуляция ишлатишини сўрамаганман. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Дональд Трамп 27 ёшли Каролин Левиттни Оқ уй матбуот котиби этиб тайинламоқчи
АҚШ Исроилнинг икки вазирига санкция қўлламоқчи
Яхши пишган ва мазали анор танлашга ёрдам берадиган тавсиялар
Энди операциядан сўнг кесмалар ўрни икки баробар тезроқ битиши мумкин
Организм ўзини токсинлардан қандай тозалайди?
АҚШ ҳарбийлари орасида ўз жонига қасд қилиш кўпайди
Буйрак саломатлиги учун энг фойдали сабзавот...
Apple донгдор икки айфонини расман эскирган деб эълон қилди
