Футбол бўйича Жанубий Корея чемпионати Ўзбекистонда трансляция қилинади

^{Фото: Twitter/@kleague}
UzReport телеканали футбол бўйича Жанубий Корея чемпионати трансляция ҳуқуқини қўлга киритди. Бу ҳақда телеканал расмий сайтида маълум қилинди.

Таъкидланишича, Кей-Лига чемпионлиги учун асосий даъвогарлар иштирокидаги баҳсларни трансляция қилиш режалаштирилган. Телеканалнинг илк намойиши 10 май куни бўлиб ўтадиган «Канвон» — «Сеул» учрашуви бўлади. Икром Алибоев жамоаси иштирокидаги баҳс Тошкент вақти билан 12:30 да бошланади.

8 май санасида старт олган Кей-Лигада тўрт нафар ўзбекистонлик футболчилар иштирок этади. Улар: Икром Алибоев («Сеул»), Жамшид Искандаров («Соннам»), Рустам Ашурматов («Кванжу») ва Достон Турсунов («Пусан Ай Парк»). «Замин»ни Telegram’да ўқинг!