00:08 / 20.06.2020
2 097

Шота Арвеладзе: "Бугун Жиззахдаги ўйинга қараганда 16,5 дақиқа кўпроқ футбол ўйнадик"

Шота Арвеладзе: "Бугун Жиззахдаги ўйинга қараганда 16,5 дақиқа кўпроқ футбол ўйнадик"
Coca Cola Суперлигасининг 5-туридан ўрин олган "Пахтакор" - "Бунёдкор" (5:0) учрашувидан кейинги матбуот анжуманида мезбонлар бош мураббийи Шота Арвеладзе иштирок этди.
"Биринчи навбатда стадион ходимларига катта раҳмат айтмоқчиман. Карантин вақтида ҳам ходимлар стадион майсасини идеал тарзда парваришлашди. Агар майдонда кўп вақт футбол ўйналмаса майса ўз-ўзидан яхши бўлади деган фикр хато.

Жиззахдаги ўйин билан таққослаганда бугун 16,5 дақиқа кўпроқ футбол ўйнадик. Бу "Бунёдкор" футбол ўйнашни хуш кўрадиган жамоа эканлигини англатади. Жиззахда 98 дақиқадан 40 дақиқаси тоза ўйин вақти бўлганди. Бугун эса бу нарса 56,5 дақиқага тенг бўлди. Ёмон ўйнайсанми ёки яхши ўйнайсанми футбол ўйнашга ҳаракат қилиш керак.

Дерби, мағлубиятдан кейин жуда муҳим ўйин эди. Илк дақиқада гол урдик, 1:0 ҳисоби вақтида Суюнов бизни қутқарди, умуман олганда раҳмат айта оламан. Олдинги мағлубиятдан кейин яхши ўйнадик.

Дердийок ва Сергеев? Катта танаффусдан кейин йигитлар яна бошидан жисмоний ва руҳий формага кириб боришмоқда. Игорь Сергеев доим ажойиб даражада ўйнайди, у майдонга тушишга лойиқ эканлигини машғулотларда ҳам исботлайди. Бугунги кунда таркибда ротация амалга ошириш имкониятига эгамиз.

Машарипов ва "Трабзонспор"? Мен миш-мишлар ҳақида фикр билдирмайман. Расман бизда ҳеч нима йўқ", - дейди Шота Арвеладзе.

Манба: championat.asia

arenda kvartira tashkent


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Шота Арвеладзе: "Бугун Жиззахдаги ўйинга қараганда 16,5 дақиқа кўпроқ футбол ўйнадик"