21:37 / 25.06.2020
2 080

Бахтиёр Ашурматов "Сурхон"га қарши ўйин, Музаффаровнинг йўқлиги ва кейинги ўйин ҳақида гапирди

Бахтиёр Ашурматов "Сурхон"га қарши ўйин, Музаффаровнинг йўқлиги ва кейинги ўйин ҳақида гапирди
"Қўқон-1912" жамоаси бош мураббийи Бахтиёр Ашурматов "Сурхон"га қарши ўйиндан сўнг (3:0) ўз фикрларини билдириб ўтди.
Учрашув ҳақида

Бугунги ўйин олдидан мураббий сифатида бироз ҳис-ҳаяжон бор эди. Чунки, "Сурхон" сафида малакали футболчилар етарли. Саломов, Касян, Станоевич, Ғофуров каби кучли футболчилар шулар жумласидандир. Шу сабабли ҳам ўйин олдидан хавотир бор эди.

Лекин йигитлар ўз ўйинлари билан потенциалимиз юқори эканлигини кўрсатишди. Ушбу ғалаба учун йигитлардан миннатдорман, улар билан фахрланаман. Уйда ўйнаганимиз учун босим уюштиришимиз керак эди, имкониятларимиз яхши эканлигини футболчиларимиз кўрсатиб беришди, ўйлайманки келаси баҳсларда ҳам шундай ўйинни сақлаб қоламиз.

Биринчи ва иккинчи бўлимдаги фарқ?
Биринчи бўлимларда жамоамиз тартибли ўйин намойиш этмоқда. Гол киритганимиздан сўнг рақиб томонда ҳам бўш зоналар пайдо бўлмоқда ва шу сабаб қарши ҳужумда ҳам ўйнаяпмиз. Бунинг ортидан яна голли вазиятларга ҳаракат қиляпмиз. Шу сабабли голгача йигитларда ҳам босим бўлиб турибди. Шунинг учун ўйинимизни икки қисмга - голгача ва голдан кейин деб ажратсак бўлади.
Ўйлайманки, бугун ғалабага ҳақлироқ бўлдик. Ушбу ўйиндан мухлислар ҳам хурсанд бўлишди.

Музаффар Музаффарров ҳақида
Музаффар бугун ўйин қайдномасига киритилди. Агар зарурият туғилганида уни 30 дақиқагача ўйинга қўйишимиз ҳам мумкин эди. Ҳисоб 2:0 кўринишида бизнинг фойдамизга кўриниш олгани учун бошқа йигитларга имкон бердик. Ўйлайманки, у келаси ўйинлрга 100 фоиз тайёр бўлади.

Кейинги турда "Машъал" билан ўйин ҳақида
Албатта биз ҳар бир учрашув олдидан рақиб ўйинни жамоа билан, мураббийлар штаби билан бирга ўрганамиз, таҳлил қиламиз. Шунга қараб ўйин тактикасини танлаймиз, тайёргарлик кўрамиз. Бугунги ғалабада ҳам мураббийлар штабимиздаги Зоҳид Нурматов ва Даврон Файзиев, шунингдек бошқа мутахассисларимизнинг ёрдами катта бўлди. Уларга миннатдорчилик билдираман. Қолаверса, раҳбарият ҳам бизга имконият яратиб бермоқда, бунинг учун раҳмат айтаман. Биз бунга жавобан раҳбарият ва мухлисларнинг ишончини оқлашимиз лозим.

Энди сафардаги ўйинларда бундан кучлироқ ўйин кўрсатсак, натижамиз янада яхшиланиши мумкин.

Манба: championat.asia

Dasturlash foundation


Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Янгиликлар » Спорт » Бахтиёр Ашурматов "Сурхон"га қарши ўйин, Музаффаровнинг йўқлиги ва кейинги ўйин ҳақида гапирди