07:55 / 10.08.2020
1 092

Криштиану Роналду ПСЖга ўтиб кетиши мумкин. Унинг агенти парижликлар билан учрашди

Криштиану Роналду ПСЖга ўтиб кетиши мумкин. Унинг агенти парижликлар билан учрашди
Фото: Getty Images
Ҳужумчи Криштиану Роналду «Ювентус»ни тарк этиши мумкин. Foot Mercato нашрининг хабар қилишича, 35 ёшли португалиялик футболчи агенти Жорже Мендешдан бошқа клуб вакиллари билан учрашув ташкил этишни сўраган.

Роналду «Ювентус»ни тарк этиш ҳақида ўйламоқда, ПСЖ варианти унга қизиқ кўринмоқда. Бундан ташқари Мендеш парижликлар спорт директори Леонардо билан яхши таниш.

Манбада хабар қилинишича, Мендеш ва Леонардо ўзаро суҳбатлашишга ҳам улгурган. Улар Чемпионлар Лигасининг қолган ўйинлари давом этадиган Лиссабон шаҳрида яна бир бор учрашиши тахмин қилинмоқда.

Роналду жорий мавсум А Серияда 33 ўйин ўтказиб, 31 та гол ва 6 голли узатма муаллифига айланди.
Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)