Россиянинг Красногорск шаҳрида “Vegas City Hall” аренасида профессионал бокс кечаси бўлади. Асосий жанглардан бирида енгилмас боксчимиз Шоҳжаҳон Эргашев беларуслик Дмитрий Мишюла билан рақобатлашади.
Профессионал боксчилик фаолиятини 2015 йили бошлаган ўзбекистонлик чарм қўлқоп устаси шу кунга қадар, 18 та жангнинг барчасида зафар қучган ва 16 марта муддатидан олдин ғалабага эришган.
Унинг рақиби Дмитрий Мишюла тўққизта ғалаба (тўртта нокаут), учта мағлубият ва битта дуранг қайд этган. Беларуслик боксчи ҳаваскорлар ўртасидаги фаолиятини ҳам давом эттирмоқда ва ўтган йили ўз мамлакати чемпионлигига сазовор бўлди.
Шоҳжаҳон Эргашев ва Дмитрий Мишюла ўртасидаги рейтинг жанги саккиз раунд қилиб белгиланди.
Красногорсдаги бокс кечасида яна икки нафар ўзбекистонлик чарм қўлқоп устаси ҳам рейтинг жангларида иштирок этади.
Ярим ўрта вазн тоифасида (66.6кг) фаолият олиб бораётган Мирзакамол Неъматов ўзининг иккинчи жангини ўтказади. Шоҳжаҳон Эргашевга қарашли "Shohjahon_Gym" залида шуғулланаётган Мирзакамол профессионал боксчилик фаолиятини шу йилнинг сентябрь ойида бошлаб, дебют учрашувида Дмитрий Антиповни биринчи раунддаёқ нокаутга учратганди.
Унинг бу галги рақиби Россия шарафини ҳимоя қилаётган Алишер Ашуров бўлади. Бу Алишер учун фаолиятидаги ўттизинчи жанг ҳисобланади. Беллашув тўрт раунд қилиб белгиланди.
Россиядаги профессионал жангларда қатнашаётган яна бир ҳамюртимиз Алишер Шодиев учинчи маротаба рингга кўтарилади.
25 ёшли самарқандлик чарм қўлқоп устаси ўтган йили декабрь ойида ташкил этилган илк учрашувида бешта ғалабадан иборат рекордга эга бўлган россиялик Аслан Кабисовга очколар ҳисобида ютқазиб қўйган эди.
Алишер бу йил сентябрдаги иккинчи жангида Мутриб Карамбахшовни мағлуб этиб, ғалабалар ҳисобини ҳам очди. Энди ўзбекистонлик боксчи учинчи жангида худди ўзи сингари биттадан ғалаба ва мағлубият қайд этган россиялик Муҳаммадризо Муталибовга қарши жанг қилади.
Алишер Шодиев ва Муҳаммадризо Муталибов ўртасидаги рейтинг жанги олти раунд давом этиши режалаштирилган.
Ушбу профессионал бокс кечаси Sport TV канали тўғридан-тўғри олиб берилиши режалаштирган. Жанглар Тошкент вақти билан 23:30 да бошланиши кутилмоқда. “Замин” янгиликларини “Youtube”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Қайси кундалик одатлар иммунитет пасайишига олиб келишини биласизми?
АҚШнинг Ғазодаги сиёсатидан норози Давлат департаменти расмийси истеъфога чиқди
Германияда мактаб ўқувчилари оммавий равишда ислом динини қабул қилмоқда
Ортиқча вазнли инсонлар учун соғлом овқатланишнинг бешта муҳим қоидаси
Сариқми ёки яшил: қайси турдаги банан фойдалироқ?
Тошкентда 02 кодли авторақамлар тахминан қачон пайдо бўлиши айтилди
Лукашенко Ғарбга таҳдид билан чиқди
