Шомуродовсиз "Женоа" "Наполи"ни мағлуб этди!

Италия А Серияси 21-туридан ўрин олган "Женоа" - "Наполи" баҳси ўз ниҳоясига етди. Ўйин мезбонларнинг минимал - 2:1 ҳисобидаги ғалабаси билан якунланди. Генуяликлар сафида киритилган ҳар иккала голга Горан Пандев муаллифлик қилган бўлса, "Наполи"нинг ягона голини Маттео Политано дарвозага жойлаб қўйди.

Шу тариқа, Шомуродов иштирок этмаган баҳсда гранд клубни енга олган "Женоа" ўз очколари сонини 24 тага етказиб олган ҳолда 11-ўринга кўтарилиб олди. "Наполи" эса 37 очко билан 5-ўринни банд қилиб турибди.

Женоа – Наполи 2:1
Голлар: 1:0 – 11 Пандев, 2:0 – 26 Пандев, 2:1 – 79 Политано.
Женоа – Перин, Дзаппакоста, Гольданига, Кришито, Чиборра, Стротман (Бехрами, 68), Радованович, Бадель, Зайц (Ровелла, 88), Пандев (Скамакка, 68), Дестро (Портанова, 79).
Наполи – Оспина, Ди Лоренцо, Мариу Руй, Максимович, Манолас (Ррахмани, 68), Элмаз, Демме (Бакайоко, 78), Лосано, Зелиньски (Инсинье, 54), Политано, Петанья (Осимхен, 54).
Огоҳлантириш: Бадель (29), Чиборра (57), Лосано (73), Мариу Руй (90).

Янгиликлар