22:20 / 22.03.2021
2 194

Humo Arena’да бўлиб ўтадиган катта бокс оқшоми чипталари нархи маълум бўлди

Humo Arena’да бўлиб ўтадиган катта бокс оқшоми чипталари нархи маълум бўлди
Фото: DAZN
Тошкентдаги Humo Arena’да 3 апрель, шанба куни катта профессионал бокс кечаси бўлиб ўтади.

Унда бир қатор ўзбекистонлик машҳур боксчилар профессионал рингдаги навбатдаги жангини ўтказади. Мусобақанинг асосий жанги иккинчи ярим енгил вазн (-55,34 кг) тоифасида WBA ва IBF камарлари соҳиби Муроджон Аҳмадалиев (7-0, 6 КО) ва япониялик Рёсуке Иваса (27-3, 17 КО) иштирокида бўлиб ўтади.

3 апрель куни соат 18:00 бошланадиган бокс кечасининг чипталари iTicket.uz сайтида сотувга чиқди. Энг арзон чипталар нархи 50 минг сўмни ташкил қилади. Нархлар 550 минг сўмга қадар ошиб боради.

Шунингдек, мазкур бокс кечасида Исроил Мадримов, Шаҳрам Ғиёсов, Ҳасанбой Дўстматов, Иқболжон Холдоров, Миразизбек Мирзахалилов, Баҳодир Жалолов, Элнур Абдураимов ва Санжар Турсунов каби номдор ўзбекистонлик боксчилар жанг ўтказади.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » Humo Arena’да бўлиб ўтадиган катта бокс оқшоми чипталари нархи маълум бўлди