15:44 / 12.04.2021
2 010

"Женоа" мураббийи "Ювентус"га қарши ўйиндаги мағлубиятга изоҳ берди

"Женоа" мураббийи "Ювентус"га қарши ўйиндаги мағлубиятга изоҳ берди
Кеча Италия чемпионати 30-туридан ўрин олган "Ювентус" - "Женоа" баҳси бўлиб ўтди. Беллашувда туринликлар 3:1 ҳисобида зафар қучишди. Учрашувдан сўнг ташкил этилган матбуот анжуманида генуяликлар устози Давиде Баллардини ўйин борасида ўз фикрларини билдирди.

- Биз энг тажрибали жамоага қарши майдонга тушдик ва ўйлайманки, уларга муносиб қаршилик кўрсатдик. Дастлабки дақиқалардан "Юве"дан қолишмасликка, очиқ ҳудудлар қолдирмасликка интилдик. Натижада, рақиб қийинчиликка дуч келди.

Ҳисоб 2:1 бўлгунига қадар яхши ўйнадик, бироқ кейин ҳаммаси ўзгариб кетди. Кўп куч сарфладик. Голлардан сўнг хатолар кузатилди. Аммо менга барибир шогирдларимнинг ўйини ёқди.

Биз аллақачон "Милан"га қарши учрашув ҳақида ўйламоқдамиз. Мавсум якуни ҳақида қайғуришимиз лозим. Ҳозирча, ишларимиз яхши, аммо охирги турларда бу камлик қилиб қолиши мумкин, - деди Баллардини.

Ctrl
Enter
Хато топдИнгизми?
Иборани ажратиб Ctrl+Enter тугмасини босинг
Фикрлар (0)


Янгиликлар » Спорт » "Женоа" мураббийи "Ювентус"га қарши ўйиндаги мағлубиятга изоҳ берди