Саидёқуб Қаҳрамонов: "Биз ўзбеклар ҳозирча UFCда тўрттамиз. Аммо, келажакда бу ерни эгаллаймиз"

Бугун ҳамюртимиз Саидёқуб Қаҳрамонов UFCда ўз дебютини ўтказди ва қувонарлиси у рақиби гуамлик Тревин Жонсни муддатидан аввал яъни, учинчи раунднинг сўнги сонияларида бўғиш услуби эвазига мағлуб этди. Мазкур ғалабадан сўнг, юртдошимиз Даниэль Кормьега ўзига хос интервью берди.

"Ўзимни ёмон ҳис қилмаяпман. Қаранг йигитлар тўрт кунлик чақирувда қанақа жангчини финиш қилдим. Менга саккиз ҳафталик тўлиқ тайёргарлик лагерини беринг ва мен чемпионни ҳам шу аҳволга соламан.

Мен гильотина усулидаги сабмишенни яхши кўраман ва тез-тез такрорлайман. Бугунги жангда ҳам шу нарса менга қўл келди.

Аммо, муҳими бу эмас. Муҳими юртим учун ғалаба қозондим. Биз ўзбеклар ҳозирча промоушенда тўрттамиз. Аммо, келажакда бу ерни эгаллаймиз. Ўзбекистон, Самарқанд ғалаба сизларники. Ҳаммага: Дана Уайтга, Шон Шелбига, менеджерларимга раҳмат. Кичик пайтимдан UFCнинг ашаддий мухлисиман. Бу ерда жанг қилиш орзуим ушалганидан ҳурсандман. Ташаккур!", - деди Қаҳрамонов.

Маҳмуджон Жабборов таржимаси

“Замин” янгиликларини “Инстаграм”да кузатиб боринг