ОФК кубоги чорак финалидан ўрин олган "Насаф" - "Аҳал" учрашувидан олдин матбуот анжумани ташкил қилинди. Унда дастлаб Туркманистон клуби бош мураббийи Бегенч Гараев ва футболчи Элман Тагаев иштирок этди.
"Биринчи ўринда илиқ кутиб олишгани учун раҳмат айтаман. Олдинда бизни масъулиятли ўйин кутмоқда. Ортиқча гапларни айтиш шарт эмас, деб ўйлайман",- дейди Бегенч Гараев.
"Нима ҳам дердим, яхши меҳмондўстлик учун ташаккуримни изҳор қиламан. Ўйинга жиддий тайёргарлик кўрдик. Муҳим баҳс эканлигини тушуниб турибмиз",- дейди Элман Тагаев.
- Авваламбор Қарши шаҳрига хуш келибсизлар. "Аҳал", "Олтин Аср" жамоаларини яхши биламиз. Ўзига ҳос салоҳиятга эга бўлган клублар ҳисобланади. "Аҳал"нинг эртанги ўйиндаги имкониятларини қандай баҳолайсиз?
- Савол учун раҳмат. Яқинлашаётган мустақиллик байрами билан табриклаб қоламан. Туркманистонда ҳам мустақилликнинг 30 йиллиги нишонланмоқда. "Насаф" катта тарихга эга клуб, ОФК кубогида зафар қучган. Ўйинга қаттиқ ҳозирлик кўрдик. Рақибнинг қандай кучга эгалигидан хабаримиз бор. Ҳаммасини ўйин кўрсатади.
- "Насаф" бош мураббийи Рўзиқул Бердиев борасида нима дея оласиз?
- Рўзиқул Бердиев бу жамоани анча йилдан бери бошқариб келмоқда. Раҳбарият ишонч билдириб келяпти. Мазкур ҳолат мураббий учун муҳим ҳисобланади. "Насаф" қисқа паслар билан ҳужумкор футбол кўрсатади. Қаршига шунчаки келганимиз йўқ. Ортга ғалаба билан қайтишни истаймиз.
- "Насаф"нинг ички чемпионатдаги муваффақиятсиз натижалари сизни ажаблантирдими?
- Тўғри натижалар яхши эмас. Балки бу жамоанинг олдига қўйган мақсади билан боғлиқдир. "Насаф" кучли жамоа бўлиб қолаверади.
- "Сўғдиёна"дан олинган футболчи Арсланмират Амановнинг ҳолати қай даражада ўрганилди? Ўзбекистон чемпионатидаги ўйинларни кўрдингизми?
- Ўзбекистон чемпионатида темп юқори. "Пахтакор", "Локомотив" сингари кучли клублар кўп. Арсланмират билан бу борада маслаҳатлашдик. Эртага ҳаммасини кўриб оламиз. Айтганимдек бу ерга мағлуб бўлиш учун келганимиз йўқ. "Насаф" яхши жамоа. Битта ўйинда ҳамма нарсани иложи бор.
- "Насаф" ўйинчилари ҳақида қанчалик маълумотга эгасиз?
- Бизда маълумотлар бор. Марко Станоевич, Ойбек Бозоров ва ҳоказо. Техник ва тезкор футболчилар кўп. Ўйлайманки, эртага биз истаган натижага эриша оламиз. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Иммунитетни кўтариш учун 6 та энг яхши витамин
НАТО собиқ қўмондони: “Путин Украинанинг тахминан 20 фоизини қўлга киритади”
Фронтдаги вазият: Россия ҳарбийлари Курск областида қарши ҳужумга тайёрланмоқда
Украина ҚК бош қўмондони: “Фронтдаги вазият мураккаб ва кескинлашиши мумкин”
Трамп Путинга қўнғироқ қилиб, Украинадаги урушни муҳокама қилди
Россия Курск вилоятидаги ҳудудларини қайтариб олишга 50 минг ҳарбий тўплади
АҚШ Исроилга пули тўланган бульдозерларни бермади
Трампнинг ўғли Зеленский яқин орада «нафақадан» маҳрум бўлишини ёзди
