Тэмми Абрахам “Аталанта” устидан қозонилган йирик ҳисобдаги ғалабадан сўнг, ўзига “Рома” ҳужум чизиғида Николо Дзаньоло билан бирга ўйнаш ёққанини алоҳида эътироф этди.
- Бергамодаги ғалаба жамоамиз учун ажойиб натижа. Кўпчилик бизга ишонмаганини, бу “Рома”нинг қўлидан келмайдиган иш дейишганини яхши биламан.
Ҳозир ажойиб ҳис-туйғулар оғушидаман. Бу биз учун муҳим муваффақият. Ғалабадан сўнг Жозе Моуриньога бирор нарса деёлмадим, қучоқлашиб қўя қолдик. Николо Дзаньоло билан голларни қандай нишонлаганимизни кўрдингизку. У қийин даврни енгиб ўтди ва менга ҳужумда айнан Николо билан ўйнаш ёқяпти, - деди Тэмми Абрахам.
“Аталанта” майдонида бўлган учрашувда англиялик ҳужумчи биринчи голини Николонинг аниқ узатмасидан сўнг дарвозага жойлади. Дзаньоло битта ассист билан бирга ўз ҳисобига ҳам гол ёзиб қўйди. 70-дақиқада Дзаньоло ўрнига майдонга тушган Элдор Шомуродов Тэмми Абрахамнинг иккинчи голида иштирок этганини таъкидлаш лозим.
Жозе Моуриньо “Рома” ҳужумида бир неча вариантларни қўллаб кўряпти. Уларнинг ҳар бирида асосий ҳужумчи вазифасини Тэмми Абрахам бажармоқда. Португалиялик мутахассис топшириғига кўра, англиялик юлдузга олдинги чизиқда Николо Дзаньоло, Элдор Шомуродов, Стефан Эл-Шаарави, Борха Майораль, Карлес Перес каби ҳужумкор футболчилардан бири ёрдам бермоқда.
Биз Моуриньо топшириғини бажардик
“Рома”нинг универсал футболчиси Николо Дзаньоло ҳам Бергамодаги муҳим ғалабани таҳлил қилди.
- Биз бош мураббий нимани айтган бўлса, майдонда шунга амал қилдик. Яъни, тезкор қарши ҳужумларда самарали ўйнашга уриндик. Жамоамиз кучли. Биз ўзимизни кўрсата олдик ва бу “Интер”га қарши ўйнаган жамоа эмас.
Римга уч очко билан қайтдик, гол урганимдан хурсандман. Тўртинчи учун курашдаги асосий рақобатчиларимиздан бири мағлуб этдик. Энди худди шундай давом этиши керак, - деди Николо Дзаньоло.
"Аталанта"га қарши ўйинда “Рома” ярим ҳимоячиси Николо А Серияда 514 кун давом этган голсиз сериясига якун ясади. Истеъдодли футболчи сўнгги маротада 2020 йилнинг 20 июль куни “СПАЛ” жамоаси дарвозасини ишғол қилиб, римликларнинг 6:1 ҳисобидаги ғалабасини таъминлаган эди.
“Рома”га хушабар
“Рома” 2022 йилдаги илк учрашувини 6 январь куни “Милан”га қарши ўтказади. Маълумотларга қараганда, Жозе Моуриньо ўша учрашувда жамоа етакчиларидан Лоренцо Пеллегрини ва Стефан Эл-Шаарави хизматидан фойдаланиши мумкин бўлади.
Аслида аввалроқ жароҳат олган бу икки футболчи узоқ муддат даволаниши айтилганди. Энди шифокарлар ҳар иккиси ҳам кутилганидан тезроқ оёққа тураётганини маълум қилди.
Шунингдек, “Аталанта”га қарши учрашувда шикастланган Рик Карсдорп ва Жордан Верету қисқа фурсатда умумий гуруҳ машғулотларига қайтди ва жорий йилнинг сўнгги учрашуви – 22 декабрда “Сампдория”га қарши тўқнашувда иштирок этишга тайёр.
Моуриньо “Аталанта” футболчисига кўз тикмоқда
“Аталанта” ярим ҳимоячиси Ремо Фройлер қишки трансферлар мавсумида “Рома”га кўчиб ўтиши кутилмоқда.
Рим клуби мутасаддилари Моуриньога маъқул келган швейцариялик ўйинчи учун 10 миллион евро тўлашга тайёр. Аслида ярим ҳимоячининг трансфер суммаси 25 миллион еврога баҳоланган.
Бироқ, Фройлернинг бергамоликлар билан шартномаси мавсум охирида якунланади ва томонлар ҳали янги битим тузгани йўқ. Шу боис, “Аталанта” 29 ёшли футболчини 10 миллион еврога қўйиб юбориши мумкин.
Фройлер 2016 йилдан бери “Аталанта” шарафини ҳимоя қилмоқда. У жорий мавсумда 13 та учрашувда майдонга тушди ва ўз ҳисобига битта гол ёздириб қўйди.
“Рома” ўйинчиси янги битим олади
“Рома” раҳбарияти жамоа етакчиларидан бири Жордан Веретуга янги битим тақдим қиладиган бўлди.
Клуб мутасаддилари музокара бошлаш учун франциялик футболчининг агентини Римга таклиф қилди. Тез орада томонлар ўртасида музокаралар бошланади.
Веретунинг ҳозирги келишуви 2024 йилнинг ярмигача давом этади.
28 ёшли ярим ҳимоячи жорий мавсумда барча турнирларда 23 та учрашувда қатнашиб, рақиблар дарвозасини 4 маротаба ишғол қилди ва жамоадошларига еттита голли пас узатди.
«Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Қозоғистонда яна 1 млрд доллар ноқонуний активлар давлатга қайтарилди
