"Сурхон" бош мураббийи Анхель Лопес: "Азиз Ҳайдаров билан ҳар куни маслаҳатлашиб турамиз"

Ўзбекистон Суперлигасининг 1-туридан ўрин олган "Олимпик" - "Сурхон" (0:0) учрашувидан сўнг меҳмонлар бош мураббийи Анхель Лопес фикрларини билдириб ўтди.

"Бизда қисқа вақт бўлди тайёргарлик учун. Қизиқарли ўйин бўлди. Иккита тенг кучли жамоалар ўйнади. Вазиятлар бўлганига қарамай 0:0 ҳисоби қайд этилди".

- Потенциалидан келиб чиқиб қандай мақсад сари интиласиз?
- Мен 5 февраль куни келдим. Жамоа эса тайёргарликни бошлаганди. Салоҳияти таниш, кўп ишладик. Режа бўйича иш олиб борилди. "Сурхон" тўғри йўналишда олдинга қараб интилади.

- Ўзбек футболи ҳақида нималарни биласиз? Қандай маълумотларга эгасиз?
- Ўзбекистонга келгунимга қадар кўп маълумотларга эга эмасдим. Бундан ташқари испанияга ёш мутахассислар келганда танишгандик. Қолаверса, "Ал Шабаб"да ишлаганимда Азиз Ҳайдаров тўп тепган. У орқали кўп маълумотларни билиб олгандим. Менинг телефонимда ҳали ҳам унинг контакти бор. Ҳар куни қўнғироқ қилиб маслаҳатлашиб турамиз.

- Футболчиларингиз бугун қарши ҳужум тактикасида ҳаракат қилди. "Сурхон"га қандай услубни сингдирмоқчисиз?
- Биз доим ҳужумкор футбол кўрсатамиз. "Олимпик" Ўзбекистоннинг энг яхши жамоаларидан бири. Иқтидорли ёш футболчилар борлигини кўрдим. Жамоамга ўзини кўрсатишга ҳаракат қилгани учун раҳмат айтаман.
“Замин” янгиликларини “Youtube”да кузатиб боринг