Апрель ойи кириб келди. Бу ойда эътиборимиз кўпроқ Суперлигадан кўра халқаро майдонларга қаратилади. Сабаби "Пахтакор" ва "Насаф" Осиё чемпионлар лигаси гуруҳ ўйинларини ўтказса, Ўзбекистон футзал миллий терма жамоаси Осиё чемпионати саралаш босқичида иштирок этади.
Гапни ОЧЛдан бошлайдиган бўлсак, бу мавсум Ўзбекистон шарафини ушбу мусобақада иккита клуб ҳимоя қилади. Биласиз, Осиё чемпионлар лигасининг Ғарб минтақаси барча гуруҳ ўйинлари Саудия Арабистонида ташкил этилади.
"D" гуруҳидан жой олган "Пахтакор" ўз ўйинларини Бурайда шаҳрида, "E" гуруҳи вакили "Насаф" эса учрашувларни Даммамда ўтказади.
"Пахтакор" гуруҳидан Эроннинг "Сепахон", Саудия Арабистони клуби "Ал Таавон" ҳамда Қатарнинг "Ал Дуҳайл" клублари ўрин олган. Албатта, диққат-марказимиздаги баҳс "Пахтакор"нинг "Ал Дуҳайл"га қарши иккита ўйини бўлади.
"Пахтакор" ўйинлари тақвими:
7 апрель. "Пахтакор" - "Сепахон"
10 апрель. "Ал Таавон" - "Пахтакор"
14 апрель. "Ал Дуҳайл" - "Пахтакор"
18 апрель. "Пахтакор" - "Ал Дуҳайл"
22 апрель. "Сепахон" - "Пахтакор"
26 апрель. "Пахтакор" - "Ал Таавон"
"Насаф" жой олган гуруҳ ҳам қизиқ кўринишда. Қаршиликлар ўз ўйинларини Иорданиянинг "Ал Виҳдат", Саудия Арабистони клуби "Ал Файсали" ҳамда Қатар етакчиси "Ал Садд"га қарши ўтказишади.
"Насаф" ўйинлари тақвими:
8 апрель. "Ал Садд" - "Насаф"
11 апрель. "Насаф" - "Ал Виҳдат"
15 апрель. "Насаф" - "Ал Файсали"
19 апрель. "Ал Файсали" - "Насаф"
23 апрель. "Насаф" - "Ал Садд"
27 апрель. "Ал Виҳдат" - "Насаф"
Эътиборимиз футзалга ҳам қаратилади
Шунингдек, бу ойда Ўзбекистон футзал миллий терма жамоамиз ҳам расмий ўйинларда иштирок этади. Баҳодир Аҳмедов шогирдлари Қирғизистон пойтахти Бишкекда бўлиб ўтадиган футзал бўйича Осиё чемпионати саралаш босқичида қатнашиб қайтишади.
"B" гуруҳида кураш олиб борадиган футзалчиларимизнинг ўйинлар тақвими қуйидагича кўриниш олган.
10 апрель. Ўзбекистон - Непал
11 апрель. Афғонистон - Ўзбекистон
12 апрель. Ўзбекистон - Тожикистон
P.S. Гуруҳдан иккита терма жамоа Осиё чемпионати йўлланмасига эга чиқади. Футзал бўйича Осиё чемпионати шу йилнинг 25 сентябрь - 20 октябрь кунлари Қувайтда бўлиб ўтади.
Шундай қилиб бизни апрелда бир-биридан қизиқ баҳслар кутмоқда. Халқаро майдонларда Ватанимиз номидан курашга чиқадиган жамоаларга омад тилаймиз.
Муаллиф: Xayrulla Xoliqov
“Замин” янгиликларини “Twitter”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Ўзбекистонлик 17 ёшли қиз дунёнинг етакчи университети олимлари билан тадқиқот олиб бормоқда
“Умра” зиёратига бориб келиш тартиби такомиллаштирилади
Ўзбекистонликлар доимий яшаш учун кўпроқ қайси давлатларга кўчиб кетмоқда?
“Рома” Шомуродов учун яна 8 миллион евро харажат қилади!
Шимолий Корея янги кўрсаткичларга эга баллистик ракетани синовдан ўтказди
Украина президенти маҳбусларни сафарбар қилиш тўғрисидаги қонунни имзолади
Жиззахда учта юк машинаси иштирокида ЙТҲ содир бўлди
Пневматик қуролларни ўз ихтиёри билан топширганлар жавобгарликдан озод этилади
