Ўзбекистон кубоги гуруҳ босқичи 3-туридан ўрин олган "Навбаҳор" - "Нефтчи" (2:0) учрашувидан сўнг мезбонлар бош мураббийи Самвел Бабаян матбуот анжуманида иштирок этди.
- Биринчи навбатда бугунги ғалаба билан мухлисларимизни табриклашни истардим. Дербида муҳим ғалабани қўлга киритдик. Қадрли "Навбаҳор" мухлислари, Сизларни жамоамизнинг бугунги ғалабаси билан табриклаймиз. Йигитларга раҳмат, улар гуруҳ босқичида 100 фоизлик натижа билан навбатдаги босқич масаласини ҳал этишди. Олдинда бизни муҳим ўйинлар кутиб турибди, босқичма-босқич давом этамиз. Бугунги ўйинни 70 фоиз ўз назоратимизда ўтказдик.
- Жамоа 7 ўйиндан буён бир ҳужумчи билан ҳаракат қилаяпти. Режангизда ўйинни 2 та ҳужумчи билан бошлаш варианти ҳам борми?
- Тактика бўйича Сиз билан мен гаплашмайман. Мен конкрет айтганман, бизда 10 хил ўйин услуби бор. Бизда исталган вақтда ҳужумга қўшилиб кетадиган, ҳужумчига айлана оладиган футболчилар бор. Номинал бир ҳужумчи майдонда бўлса, керак вақтида 2 та ҳужумчи услубига ҳам ўтишимиз мумкин. Бу савол бугунги кунда долзарб эмас. Биз ҳужумкор ўйин намойиш этаяпмиз.
- "Нефтчи" бош мураббийи Илҳом Мўминжонов Суперлига биринчи турида "Навбаҳор"га қарши ўйнашни истагани ҳақида гапирганди. Бу бўйича сизнинг фикрингиз қандай?
- Ким билан ўйнашнинг фарқи йўқ. Фақат "Навбаҳор" ва "Нефтчи" ўртасидаги ўйинларда ҳар доим кучли интрига бўлган. Бу жамоалар ўртасидаги ўйинларга мухлисларнинг қизиқиши жуда юқори.
- Элгужа Григалашвилининг ҳолати қандай?
- Унда ҳаммаси яхши, кейинги ўйинга қадар тайёр бўлади.
- Жамоада иккита бир хил таркиб шаклланган. Нега ротацияларни амалга оширмаяпсиз?
- Савол учун раҳмат. Бу мен кутган савол. Ҳозирги таркибда 7-8 нафар янги футболчилар бор. Улар жамоага мослашиб кетишлари учун вақт зарур бўлади. Кубок учрашувларида ҳам бизга Суперлига клублари тўғри келиб қолди. Захирамизда жуда яхши футболчилар бор, ҳар бир чизиқда етарлича рақобат шаклланган. Биз учун натижа жуда муҳим. Вақти келиб барча футболчиларга имкон берамиз. “Замин” янгиликларини “Facebook”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Рууд ван Нистелрой ва яна уч мураббий “Манчестер Юнайтед”ни тарк этди
