Фото: РБК
Борис Добродеев Алишер Усмоновнинг USM холдингига кирувчи USM Telecom компанияси бош директори лавозимини тарк этди. Бу ҳақда Forbes хабар берди.
- Бир неча ой давомида нима қилишни хоҳлаётганимни ҳал қилиш учун ижодий изланишда бўлдим. Энди мен кўпроқ тадбиркор эканлигимни биламан ва ўз компаниямни яратишга тўлиқ эътибор қаратаман, — деди у.
Добродеев инвестиция компанияси яратиш учун биринчи навбатда, Ўзбекистон ва Қозоғистонда финтеч ва электрон тижорат лойиҳаларига сармоя киритишни режалаштирмоқда.
Энди у энг муносиб юрисдиксияни танлаб, компанияси яқин бир ярим-икки ой ичида рўйхатдан ўтишини кутмоқда. Биринчи босқичда Добродеев бу компанияга ўз жамғармаларидан пул киритади.
Кейин (тахминан бир йил ўтгач) у халқаро инвесторлардан, масалан, Ҳиндистон ёки Хитойдан қўшимча инвестицияларни жалб қилмоқчи.
Бу инвестиция компаниясига бошқа мамлакатларда, масалан, Миср, Иордания, Покистон ва Жануби-Шарқий Осиё мамлакатларида лойиҳаларни ишга тушириш имконини беради.
- Кичикроқ кўринадиган, лекин катта ўсиш потенциалига эга бўлган кўплаб ривожланаётган бозорлар мавжуд, — деб ҳисоблайди у.
Ҳозирда Добродеев Ўзбекистон ва Қозоғистонда 10 млн долларга яқин тўрт-бешта шартнома бўйича музокаралар олиб бормоқда.
Ушбу лойиҳалардан бири кейинчалик бошқа мамлакатларда ҳам ишлаб чиқилиши мумкин бўлган товарлар сотиладиган бозорни ишга туширишдир. Тахминларга кўра, лойиҳанинг ишга туширилиши 2022 йилнинг кузида бўлиб ўтади.
- Бу бизнесда самарали логистикани яратиш муҳим. Ўз тажрибамиз ёрдамида Ўзбекистон ва Қозоғистондаги 50-60 миллион кишилик аудиторияга товарлар етказиб бериш бўйича етакчи бўла оламиз: бу ўрин ҳозир ушбу мамлакатларда бўш, — деди Добродеев.
Шунингдек, у молиявий хизматларга сармоя киритишни режалаштирмоқда.
Истиқболли бозор
2020 йилда Ўзбекистонда электрон тижорат бозори 643,9 млн долларга, Қозоғистонда эса 2,1 млрд долларга етган.
- Ўзбекистон нисбатан эркин ва ўсиб бораётган бозор, шунинг учун у ерда янги лидер пайдо бўлиши вақти келган бўлиши мумкин, — деб ҳисоблайди United Investors асосчиси Александр Горний. “Замин” янгиликларини “Telegram”да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
ОАВ: Марказий Осиё давлатлари дронлар билан қуролланмоқда
Ғазо аҳолиси ҲАМАСнинг тинчликка эришиш йўлидаги қарорини нишонлаш учун кўчаларга чиқди
Освенцимда минглаб яҳудийлар «Тириклар марши» акциясини ўтказди
Россияда америкалик аскар ўғриликда айбланиб қўлга олинди
Президент Мирзиёев Москва парадидаги иштирокидан сўнг Тошкентга қайтди
Гвардиола: Сизлар хомсемиз ўйинчилар жамоасисиз!
"Боруссия Д" ЕЧЛ финалида "Реал"га мағлуб бўлса, кўпроқ фойда кўради...
Путин ҳукуматга миннатдорлик билдирди
