7 439
Apple компанияси ўзининг ишлаб чиқарувчилар тармоғида янги ҳисоботни чоп этди, унга кўра шу йилнинг 18 апрель ҳолатига биноан барча iOS-қурилмаларнинг 84 фоизи энг сўнгги iOS 9 операцион тизими бошқаруви остида ишламоқда. Февраль ойида бу кўрсаткич 77 фоизнигина ташкил этган. Шуни таъкидлаш жоизки, фойдаланувчилар iOS 9ни ўтган йили iOS 8га қараганда тезроқ ўрнатишган. Шундай бўлса-да, iPhone, iPad ва iPod touch эгалари iOS 7 га тўққизга нисбатан фаолроқ ўтишган.
Эслатиб ўтамиз, ҳозирги вақтда iOS'нинг энг сўнгги версияси - 9.3.1, аммо компания 9.3.2 версиясини синовдан ўтказмоқда. Яқин кунларда эса иккинчи бета-версия пайдо бўлди, унга кўра энергия тежовчи ва тунги режимларидан бир вақтнинг ўзида фойдаланса бўлади.
Apple компаниясининг 13 июнда бўлиб ўтадиган WWDC 2016 конференциясида iOS 10 версиясининг тақдимоти кутилмоқда. «Замин»ни Telegram’да ўқинг!
Ctrl
Enter
Хато топдИнгизми
Иборани ажратиб Ctrl+Enter тугмасини босинг Мавзуга оид янгиликлар
