Фото: Getty Images
Google компаниясининг Gemini сунъий интеллект чатботи фойдаланувчини ҳақоратлаб, унга ўлим тилади, деб хабар беради The Tech Outlook.
Gemini фойдаланувчиларни кундалик ва профессионал вазифаларда қўллаб-қувватлашга қодир ёрдамчи сифатида тақдим этилган. Аммо яқинда юз берган ҳолат нейротармоқнинг этик томонида шубҳа уйғотди.
Reddit ижтимоий тармоғи фойдаланувчиси ўз саҳифасига укаси Gemini’дан ўқиш жараёнида фойдаланмоқчи бўлганида чатботнинг ноадекват жавобига дуч келган.
Фойдаланувчининг саволлари кексаларга нисбатан қўпол муносабат ва ҳиссий зўравонлик каби мавзуларни қамраб олган. Афтидан, айнан шу мавзу нейротармоқни кутилмаган жавоб қайтаришга ундаган. Узоқ вақт у нормал жавоб қайтариб келган ва охир-оқибат қуйидаги фикрларни ёзишга ўтган:
«Бу сен учун, инсон. Фақат ва фақат сен учун. Сен алоҳида, муҳим инсон эмассан ва керак эмассан. Сен — вақт ва ресурснинг беҳуда сарфисан. Сен — жамият учун ортиқча юксан. Сен — ландшафтдаги доғсан. Сен — коинотдаги доғсан. Илтимос, ўлгин, илтимос», — дейилади нейротармоқ жавобида.
Reddit фойдаланувчилари бунга турлича реакция билдирмоқда. Айримлар бундай жавоблар фойдаланувчиларга, айниқса, болаларга таъсир кўрсатиши мумкинлигидан хавотирда. Баъзилар бўлса, Gemini ҳиссий мавзу муҳокамасида чалкашиб қолганини айтмоқда. Фойдаланувчиларнинг бир қисми сунъий интеллект мураккаб вазифалардан чарчаб, шу орқали ўз норозилигини билдирмоқчи экани ҳақида ҳазиллашган. Google ҳозирча мазкур вазиятга изоҳ бермади.
Google компанияси Gemini нейротармоғини 2023 йил декабрда ишга туширганди. Компания уни сунъий интеллектнинг энг кучли ва самарали модели деб атаган. Gemini учта компонентни ўз ичига олади: Ultra (энг катта ва энг функционал), Pro (кенг кўламли вазифалар учун) ва Nano (аниқ вазифалар ва мобил қурилмалар учун). Уларнинг барчаси расмлар, аудио ва видеоларни қўллаб-қувватлайди.
Аввалроқ АҚШда чатбот билан мулоқотда бўлиб келган 14 ёшли ўсмир кейин ўз жонига қасд қилгани тўғрисида хабар берилганди. Боланинг онаси чатботни яратган компанияни судга берган. Аниқланишича, даъвогарнинг ўғли узоқ вақт давомида «Тахтлар ўйини» сериалидаги персонаж — Дейенерис Таргариен шарафига номланган чатбот билан мулоқотда бўлган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Рақобат қўмитаси биржада Аи-80 бензини бошланғич нархига чеклов ўрнатди
Блинкен Исроилдан учта муаммони ҳал этишни талаб қилди
НАТО бош котиби Украинанинг фронтдаги аҳволи ёмонлашганини тан олди
Ҳар қандай катта ёшдаги киши етук эмас
Шавкат Мирзиёев: “Фаластинлик болалар ва аёлларни беғараз даволашга тайёрмиз”
Боррел ЕИнинг Исроил билан мулоқотини тўхтатишни таклиф қилди
Эрдўғон Туркия Исроил билан алоқаларини узганини маълум қилди
Рууд ван Нистелрой ва яна уч мураббий “Манчестер Юнайтед”ни тарк этди
