Ким Кардашьян Tesla’нинг одамсимон роботини харид қилди (видео)

^{Фото: New Yor Post}
Реалити шоулар ва ижтимоий тармоқлар юлдузи ва актриса Ким Кардашьян ўзининг янги хариди — Optimus роботини намойиш этди.

Ким Кардашьян Tesla компаниясининг янги кашфиётларини синаб кўришга муваффақ бўлган биринчи харидорлардан бўлди. У Х тармоғидаги видеога “Янги дўстим билан танишинг”, деб ёзиб қолдирган.

^{Фото: Europa Plus}
Видеода Ким “юракча” ясаш учун роботга қўлини узатади ва Optimus унга жавоб қайтаради. Шунингдек, видеода робот Гавайи услубида рақсга тушиши ва “тош, қоғоз, қайчи” ўйинида ютқазиши тасвирланган:
[media=https://twitter.com/KimKardashian/status/1858603072513339871?ref_src=twsrc%5Etfw%7Ctwcamp%5Etweetembed%7Ctwterm%5E1858603072513339871%7Ctwgr%5E64f1e08fecf373ac7d69a3d49b061284b952d95e%7Ctwcon%5Es1_&ref_url=https%3A%2F%2Fdaryo.uz%2Fk%2F2024%2F11%2F21%2Fkim-kardashyan-tesla-robotini-sotib-olgan-birinchi-xaridor-boldi-video]
Робот уй юмушларида ҳам эгасига ёрдам бериши, масалан, озиқ-овқат ва ичимликларни олиб келиб бериши мумкин.

^{Фото: Europa Plus}
Илон Маскнинг сўзларига кўра, робот-гуманоидларни ишлаб чиқариш ҳажми 2026 йилга бориб бир неча юзтага етади. Optimus’нинг нархи унинг турига қараб 20 минг доллардан 30 минг долларгача етади.

Tesla директори Кардашьяннинг видеосига изоҳ бермади. Бироқ у Х ижтимоий тармоғидаги постларидан бирини ўзига репост қилди ва қисқа фурсатда видеолар интернетда машҳур бўла бошлади. Мутахассисларнинг таъкидлашича, Маск Tesla технологияларини реклама қилиш учун машҳурлар рекламасидан фойдаланмаслигини айтган, бироқ миллиардер фикрини ўзгартирган бўлиши мумкин.

Эслатиб ўтамиз, гуманоид-робот Optimus жорий йилнинг октябрь ойида Бербанк шаҳридаги улкан киностудиядаги Wе, Robot кўргазмасида тақдим этилган эди. “Замин” янгиликларини “Twitter”да кузатиб боринг