Apple уй роботларини ишлаб чиқаришни тезлаштирмоқда

Apple робототехника бўйича мутахассисларни ёлламоқда – уй роботлари яқинлашяптими?

Apple робототехника бўлимини кенгайтириб, янги мутахассисларни жалб қилмоқда, деб хабар бермоқда Bloomberg нашрининг таҳлилчиси Марк Гурман. Бу компания уй роботлари яратиш устида жиддий иш олиб бораётганини англатиши мумкин.

Нима бўляпти?
Apple’да робототехника билан шуғулланувчи иккита махсус бўлим фаолият юритмоқда:
— Home Labs (аппарат таъминоти ишланмалари);
— Кевин Линч бошқарувидаги ИИ махсус лойиҳалар жамоаси.

Бу жамоалар аввал Apple’нинг автоном автомобиллар лойиҳаси устида ишлаган, лекин ушбу лойиҳа ёпилгандан сўнг, робототехникага ўтишган.

Apple қандай ишланмалар устида ишламоқда?
— Компания аллақачон Pixar услубидаги робот-чироқ прототипини тақдим этган.
— Экранли робот-қўл устида ишлар кетмоқда.
— Инсонсимон роботлар яратишга қизиқиш борлиги ҳақида миш-мишлар тарқалган.
— Охирги ҳафталарда Apple робототехника мутахассислари учун кўплаб иш ўринлари эълон қилмоқда.

Келажакда нима кутяпти?
Агар ушбу лойиҳа Apple Car’нинг тақдирига учрамаса, яқин йилларда Apple’нинг ўз iRobot’и пайдо бўлиши мумкин. “Замин” янгиликларини “Telegram”да кузатиб боринг