iPhone 18: Apple'нинг янги флагмани ҳақида маълумотлар

Apple'нинг навбатдаги флагман смартфони — iPhone 18 2026 йилда чиқиши кутилмоқда, деб pepelac.news хабар берди. Ушбу моделда бир қатор янги технологиялар жорий этилиши мумкин.

iPhone 18 Pro'да ўзгарувчан диафрагмага эга камера бўлиши кутилмоқда. Бу функция фойдаланувчиларга ёруғлик миқдорини қўлда бошқариш имконини беради, бу эса ёруғлик шароитида ёки чуқурликни назорат қилишда фойдали бўлади.

Бундан ташқари, Apple ўзининг янги C2 модемини жорий этиши мумкин, бу 5G тармоқларида, жумладан mmWave қўллаб-қувватлаш билан яхшироқ ишлашни таъминлайди. Бу Qualcomm чипларидан воз кечиш стратегиясининг давоми бўлади.

iPhone 18 Pro'нинг "юраги" A20 Pro чипи бўлади, у TSMC'нинг учинчи авлод 3-нм техпроцесси асосида ишлаб чиқарилади. Бу чип CoWoS технологияси орқали процессор, хотира ва нейрон муҳаррик ўртасидаги ўзаро алоқани яхшилайди.

Шунингдек, Samsung компанияси iPhone 18 Pro учун 48 МП ультракенг бурчакли камера сенсорларини етказиб бериши мумкин. Бу Apple'нинг илк бор Sony'дан бошқа сенсор ишлаб чиқарувчи билан ҳамкорлик қилиши бўлади.

Ниҳоят, Apple экран остидаги Face ID технологиясини жорий этиши мумкин. Бу Dynamic Island'ни тўлиқ ўрнини босмаса-да, унинг ҳажми кичрайиши мумкин. Шунингдек, фақат олд камера учун ягона тешикка ўтиш эҳтимоли бор.