Xiaomi ультраюпқа MagSafe аккумуляторини чиқарди

Xiaomi янги Magnetic Ultra-Slim номли ультраюпқа ташқи аккумуляторини тақдим этди, деб Rozetked хабар берди. Қурилманинг сиғими 5000 мА/соат бўлиб, у MagSafe орқали симсиз зарядлашни қўллаб-қувватлайди.

Аккумулятор юпқа алюминий корпусда ишланган ва унинг қалинлиги бор-йўғи 8,7 мм. Бу эса юқори зичликдаги литий-кобальт-оксид батареяси туфайли амалга ошган.

Қурилма сим орқали 22,5 Вт ва симсиз усулда 15 Вт куч билан заряд бера олади. Xiaomi маълум қилишича, аккумулятор 300 марта қувватлангандан кейин ҳам ўз сиғимининг 80%ини сақлаб қолади.

У MagSafe стандартларига тўлиқ мос ва бир вақтда иккита қурилмани симли ва симсиз усулда зарядлаш имконига эга.

Ушбу янги аккумулятор Хитойда аллақачон сотувда ва унинг нархи 23 доллар (~292,000 сўм). «Замин»ни Telegram’да ўқинг!