Амазон ва Microsoft сунъий интеллект сабабли ишчиларини қисқартирмоқда

Амазон бош директори Энди Жасси компания яқин йилларда ишчилар сонини камайтиришини маълум қилди. Microsoft эса минглаб ишчиларни ишдан бўшатишни режалаштираётгани ҳақида хабарлар тарқалди. Буларнинг барчаси компаниялар сунъий интеллектга миллиардлаб доллар сармоя киритаётган бир пайтда содир бўлмоқда.

Microsoft компанияси ишдан бўшатишлар ҳақида расмий тасдиқ бермади, бироқ Bloombergънинг аноним манбаларига кўра, июл ойининг бошида эълон қилинадиган бу қисқартишлар асосан савдо бўлимларига таъсир қилади.

Яҳоо Финанcе сўровига жавобан Microsoft вакили шундай деди: “Ҳар доимгидек, жамоалар бизнес устуворликларини қайта кўриб чиқмоқда ва стратегик ўсиш имкониятларига мослашмоқда.”

“Кўпроқ Генератив АИ ва агентларни ишга туширишимиз билан иш услубимиз ўзгаради. Бугунги кунда одамлар бажараётган айрим вазифалар учун камроқ ишчи керак бўлади, лекин бошқа турдаги ишлар учун кўпроқ ишчи керак бўлади,” — деди Амазон бош директори ходимларга йўллаган мактубида.

“Бу қандай якун топишини олдиндан аниқ айтиш қийин, аммо яқин йилларда биз АИъни кенг қамровда қўллаш орқали самарадорликка эришамиз ва бу корпоратив ишчилар сонининг камайишига олиб келади.”

Амазон бош директорининг айтишича, компания “Генератив АИъни ички операцияларимизда кенг қўлламоқда”, масалан, етказиб бериш тизимидаги инвентаризация бошқаруви ва талаб прогнози каби вазифаларда.

Бош директорнинг сўзларига кўра, АИ туфайли “биз такрорий ишлар билан камроқ шуғулланамиз ва мижозлар тажрибасини қандай яхшилаш, янги тажрибаларни қандай яратиш ҳақида стратегик фикрлашга кўпроқ вақт ажратамиз.” Бу баёнот ходимлар орасида норозиликка сабаб бўлди.

Bloomberg хабарига кўра, Амазонънинг айрим корпоратив ходимларига менежерлари ва жамоалари жойлашган офисларга яқинроқ бўлиш учун кўчиш буйруғи берилган. Бу талаб кўплаб ходимларнинг АҚШ бўйлаб Сиетл, Вашингтон ва бошқа марказларга кўчишини талаб қилмоқда.

Шу билан бирга, Амазон ва Microsoft сунъий интеллект ривожи учун миллиардлаб сармоя киритмоқда. Сўнгги йилларда Амазон бошқа йирик технологик компанияларга қараганда АИ инфратузилмасига кўпроқ капитал сарф қилмоқда ва бу тенденция 2025 йилда ҳам давом этади.

Амазон 2025 йилда тахминан 105 миллиард доллар сарфлашни режалаштирган, бу кўрсаткич рақобатчиларидан анча юқори. Бу маблағнинг катта қисми булутли хизматлар сегменти — Амазон Wеб Сервиcесъдаги АИ инфратузилмасига йўналтирилади. Microsoft эса 2025 йилда АИ маълумот марказларини қуриш учун 80 миллиард доллар сарфлашни режалаштирмоқда.

Сўнгги йилларда Амазон ва Microsoft бир неча марта иш ўринларини қисқартирган. Microsoft май ойида ижобий молиявий ҳисоботга қарамай ишчи кучининг 3 фоизини ишдан бўшатди. Амазон эса 2022–2023 йиллар оралиғида 27 000 дан ортиқ ишчини ишдан бўшатган. Май ойида яна 100 киши ишдан бўшатилди. Бу ҳолат Амазон бош директорининг ўрта бўғин раҳбарларини қисқартириш ва Амазонъни “дунёнинг энг йирик стартапи”га айлантиришга уринишлари доирасида амалга оширилди. «Замин»ни Telegram’да ўқинг!