Hisense A2 – хитойлик YotaPhone

  • 5-12-2016, 22:59
  • 1 424
  • Технология
  • Hisense A2 – хитойлик YotaPhone

    Куни кеча Хитойнинг телекоммуникация қурилмаларини рўйхатга олиш базасида иккита дисплейга эга Hisense A2 смартфони пайдо бўлди. Модель машҳур YotaPhone услубидан ишланган, икки томондан AMOLED ва E-Ink дисплейлари билан жиҳозланган.

    Смартфоннинг орқасида жойлашган 5,2 дюймли E-Ink экранида фон расми, харидлар рўйхати, соат каби қўшимча маълумотларни кўриш мумкин, албатта бу орқали батарея қувватини сезиларли даражада тежаш мумкин, деб ёзмоқда Terabayt.uz сайти.

    Hisense A2 қурилмасининг олд томонига 5,5 дюймли Full HD аниқлигидаги AMOLED экран ўрнатилган, асосий камера сенсорининг аниқлиги 16 МП. Олд камераси 5 МП. Модель саккиз ядроли процессор ёрдамида ишлайди, 4 ГБ оператив ва 64 ГБ доимий хотира билан таъминланган. Аккумулятор сиғими – 3000 мА/соат. Гаджет Android 6.0 Marshmallow дастурида фаолият кўрсатиши маълум қилинган.

    Ҳозирча моделнинг қачон тақдим этилиши номаълум.

    » » Hisense A2 – хитойлик YotaPhone