Google AI билан қўнғироқларга жавоб беришни автоматлаштирди

Google компанияси бизнеслар учун мўлжалланган янги “AI Call” (сунъий интеллектли қўнғироқ) функциясини жорий этди, деб TechCrunch хабар берди. Бу хизмат орқали Google Gemini сунъий интеллект модели телефон қўнғироқларига автоматик равишда жавоб бериб, мижозлар билан мулоқотни соддалаштиради.

Янги функция Gemini 2.5 Pro асосида ишлайди ва Android’нинг “AI Mode” режимида фаоллашади. Қўнғироқни қабул қилган Gemini мижоз сўровларига жавоб беради, маълумотларни тақдим этади ва агар керак бўлса, жонли операторга уланишни таъминлайди.

Google'нинг таъкидлашича, бу хизмат асосан кичик ва ўрта бизнеслар учун ишлаб чиқилган. Улар мижозларга 24/7 жавоб бериш имконига эга бўлади ва вақтини самарали бошқаришлари мумкин.

AI Call ҳозирча синов тариқасида фақат АҚШда мавжуд бўлиб, кейинчалик бошқа бозорларда ҳам жорий этилиши кутилмоқда. Бу функция Gemini’нинг бизнес соҳасига қаратилган илк амалий татбиқларидан бири бўлди. «Замин»ни Telegram’да ўқинг!