Meta компанияси инсон ҳаракати ва компьютер бошқарувини янги босқичга олиб чиқмоқда
Meta (Facebook) компаниясининг Reality Labs бўлими инсон мушак ҳаракатларини компьютер буйруқларига айлантирувчи инновацион билагузукни тақдим этди. Бу қурилма фойдаланувчининг билагидаги мушаклар юборадиган электр сигналларини аниқлаб, бевосита компютерга узатади.
Юқори технологияли билгузук, Meta компаниясининг “Metaverse” лойиҳасидан кейинги энг йирик инновацион маҳсулоти бўлиб, реал ҳаётда амалий натижа берувчи технология сифатида эътироф этилмоқда. Қурилма Bluetooth орқали уланиб, фойдаланувчи қўл ҳаракати асосида матн ёзиш, компютерни масофадан бошқариши мумкин.
Билагузук фойдаланувчи қўли билан ёзаётган ҳаракатларни реал вақт режимида компьютер матнига айлантира олади. Тажрибалар шуни кўрсатдики, қурилма буни дақиқасига 20,9 та сўз тезлигида бажара олади. Ёзиш секинроқ бўлса-да, бу технологиянинг имкониятлари жуда кенг.
Ногиронлиги борлар учун катта имконият
Ушбу технологиянинг энг катта фойдаси ҳаракатланиш ёки оғзаки ифода чекланган шахслар, шунингдек, бир вақтнинг ўзида бир нечта монитор билан ишловчилар учун муҳим қулайлик яратишидалигидир. Қурилма қўл ҳаракатини тиклай олмаганлар учун янги алоқа воситасига айланиши мумкин.
