Тим Кук: Apple AI соҳасида ғолиб чиқиши шарт

Apple бош директори Тим Кук ходимларга мурожаат қилиб, компания сунъий интеллект соҳасида рақобатда ғалаба қозониши шартлигини таъкидлади, деб TechCrunch.com хабар берди.

Унинг сўзларига кўра, AI технологиялари келажакдаги барча маҳсулотлар ва хизматлар асосини ташкил этади. Шу сабабли, Apple бу соҳада фаол ҳаракат қилиши ва етакчи мавқени эгаллаши лозим.

Кукнинг таъкидлашича, бу йўналишдаги ютиш ёки ютишмаслик Apple’нинг стратегик келажагини белгилайди. У ходимларни “AI жараёнида ортда қолмаслик”ка чақирган.

Apple 2025 йилда Apple Intelligence бренди остида ўзининг AI функцияларини тақдим этган. У Siri’ни яхшилаш, контекстли ёрдам ва генератив функциялар билан бойитилган.

Компания ички равишда ҳам AI лойиҳаларга катта сармоя киритмоқда, аммо Google ва OpenAI каби рақиблар аллақачон бозорда устунликка эришган.

Кукнинг бу мурожаати Apple ичида AI устувор йўналишга айланганини яна бир бор кўрсатди.

Нодирбек Раззоков

«ЗАМИН.УЗ» муҳаррири