OpenAI компанияси фойдаланувчилар номидан исталган вазифани мустақил бажара оладиган сунъий интеллект яратиш устида жиддий иш олиб бормоқда, деб TechCrunch.com хабар берди.
Компаниянинг асосий мақсади — “AI агент” концепциясини тўлиқ ҳаётга тадбиқ этиш. Бундай агент сиз ўрнингизга ҳужжат тайёрлаши, харид қилиш, электрон хат ёзиш, маълумот излаш ёки бошқа кундалик ишларни амалга ошириши мумкин.
OpenAI муҳандислари таъкидлашича, бу технология ChatGPT’нинг кенгайтирилган шакли бўлади ва унда контекстни тушуниш, бир неча вазифани узлуксиз бажариш ва хатоларни бартараф этиш каби имкониятлар мавжуд бўлади.
Компания бу борада хавфсизлик ва инсон назорати устувор аҳамиятга эга эканини ҳам таъкидламоқда. Айниқса, шахсий маълумотлар билан ишлашда AI’нинг аниқ чекловлари бўлиши керак.
OpenAI ушбу технологияни қисм-ма-қисм синовдан ўтказиб, сўнг оммага тақдим этишни режалаштирмоқда.
Мутахассислар бу йўналиш сунъий интеллект ривожида янги босқични бошлаши мумкинлигини таъкидламоқда.
«Замин»ни Telegram’да ўқинг!
