Tesla акциядорларидан компания раҳбари Илон Маск учун 29 миллиард доллар (тақрибан 377 трлн сўм)лик компенсация пакетини тасдиқлаш сўралмоқда, деб TechCrunch.com хабар берди.
Бу таклиф сунъий интеллект соҳасидаги кескин рақобат фонида қилинмоқда. Компания Маскни ўз сафида ушлаб қолиш учун унга катта мукофот беришни мақсад қилган.
Таклиф этилаётган пакет асосан акция опционларидан иборат бўлиб, Маск белгиланган молиявий кўрсаткичларга эришганда уларни олиш ҳуқуқига эга бўлади.
Tesla раҳбариятига кўра, Маскнинг етакчилиги компанияни сунъий интеллект ва робототехникада глобал етакчига айлантиришда ҳал қилувчи аҳамиятга эга.
Компания 2024 йилдаги компенсация режасини суд бекор қилганидан сўнг, уни қайта ишлаб чиқиб, акциядорларга қайта тақдим этмоқда.
Овоз бериш яқин ҳафталарда ўтказилиши режалаштирилган ва натижалар Tesla’нинг келажакдаги бошқарув стратегиясига катта таъсир кўрсатиши мумкин.
«Замин»ни Telegram’да ўқинг!
