Joby Aviation Blade Air Mobility’нинг ҳаво такси бизнесини сотиб олмоқда

Joby Aviation Blade Air Mobility компаниясининг ҳаво шеринг (ride-share) бизнесини сотиб олиш бўйича келишувга эришди, деб TechCrunch.com хабар берди.

Бу келишув орқали Joby Нью-Йорк, Майами ва Лос-Анжелес каби йирик шаҳарларда Blade Air’нинг йўловчи ташиш инфратузилмасига эга бўлади. Бу компаниянинг шаҳарлар оралиғидаги ҳаво транспортини оммалаштиришдаги қадамларидан биридир.

Келишув Blade’нинг тўғридан-тўғри йўловчи ташиш хизматларини ўз ичига олади, шу жумладан Blade Airport ва Blade MediMobility хизматлари ҳам Joby назоратига ўтади.

Joby бу сотиб олиш билан ўзининг электр вертикал учиш ва қўниш (eVTOL) технологияларини кенгроқ инфратузилмага интеграция қилишни режалаштирмоқда.

Келишув 2025 йилнинг охирига қадар ёпилиши кутилмоқда ва нарх аниқ ошкор этилмаган.

Мутахассислар бу қадамни Joby’нинг ҳаво мобиллик бозоридаги мавқеини мустаҳкамлашга қаратилган стратегик ҳаракат сифатида баҳоламоқда.

Нодирбек Раззоков

«ЗАМИН.УЗ» муҳаррири