Google ўзининг Jules номли сунъий интеллект асосидаги код ёзувчи ёрдамчисини расман ишга туширди, деб TechCrunch.com хабар берди. Энди у бета тестдан чиққан ва барча фойдаланувчилар учун очиқ.
Jules дастурчиларга код ёзиш, хатоларни топиш ва функцияларни оптималлаштиришда ёрдам беради. У Google Gemini моделларига асосланган ва Google Cloud Developer Tools билан интеграция қилинган.
Компания вакилларининг таъкидлашича, Jules турли дастурлаш тилларини қўллаб-қувватлайди ва real vaqtда ишлаш қобилиятига эга. Шунингдек, у контекстли тушуниш, функция тавсиялари ва иш жараёнини тезлаштиришга мўлжалланган.
Google Jules’ни асосан professional developer’лар учун мўлжаллаган, бироқ унинг интерфейси янги ўрганувчилар учун ҳам қулай қилинган.
Компаниянинг айтишича, Jules бугунги кунда GitHub Copilot ва Amazon CodeWhisperer каби рақобатчиларга қарши жавоб сифатида таклиф этилмоқда.
Янги AI ёрдамчи дастурчиларнинг иш самарадорлигини ошириш ва код сифатини яхшилашни мақсад қилади.
«Замин»ни Telegram’да ўқинг!
