Қорақалпоғистон Республикасини ижтимоий-иқтисодий ривожлантиришга қаратилган янги қарорга кўра, ушбу минтақада криптовалюта майнингини амалга ошириш учун махсус зона ташкил этилиши керак. Бу қарор «Қорақалпоғистон Республикасини ижтимоий-иқтисодий ривожлантиришга қаратилган чора-тадбирларни янада жадаллаштириш тўғрисида»ги президент қарорида назарда тутилган.
Карорга асосан, 2025 йил сентябрига қадар Қорақалпоғистонда майнинг учун махсус зона ташкил этиш бўйича қарори лойиҳаси ишлаб чиқилиши ва амалга оширилиши лозим. Мазкур ҳудудда майнинг фаолияти учун қайта тикланувчи энергия манбаларидан фойдаланишга рухсат этилади, бу эса атроф-муҳитга таъсирни минималлаштириш ва энергетика самарадорлигини ошириш мақсадида керакли тадбир ҳисобланади.
Махсус майнинг зонасига электр таъминоти ягона тизимга уланган бўлиши шарт, бу ҳолда махсус тарифлар қўлланилади. Яъни, махсус зонада майнинг ишлаш учун электр энергияси зарур бўлганда, нархлар бошқа ҳудудлардан фарқ қилади. Ушбу қадам криптовалютани қўллаб-қувватлаш ва ривожлантириш учун замин яратишга қаратилган.
Қарор лойиҳаси 2025 йил ноябрида тегишли вазирлик ва идоралар билан келишилади ва Вазирлар Маҳкамасига тақдим этилади. Бу йўналишдаги ишларни мувофиқлаштириш ва ривожлантириш мақсадида қабул қилинадиган қарорлар мамлакат иқтисодиётини янада мустаҳкамлаш ва янги имкониятлар яратишга қаратилган.
Майнинг - криптовалюталарни, масалан, биткоинни шахсий ҳисобга «олиш» учун бажариладиган иш бўлиб, унга рўйхатдан ўтган шахсларга махсус рухсатнома берилади. Ўзбекистонда майнинг фаолиятини рухсатномасиз амалга ошириш тақиқланади.
«Замин»ни Telegram’да ўқинг!
