Apple компанияси Airpods наушниклари сотувларини бошлади

Жорий йилнинг сентябрь ойида iPhone 7 тақдимотида намойиш этилган Airpods наушникларини сотувга чиқариш яна бир неча ойга сурилиши ҳақидаги миш-мишларга қарамай, “Олма” мазкур гаджетни Apple Store дўконларига етказиб беришни бошлаб юборди.

Apple сентябрь ойи бошида бўлиб ўтган iPhone 7 тақдимотида ушбу наушниклар октябрь ойида глобал савдога чиқишини қайд қилган эди. Бироқ, кўриб турганингиздек, Airpods наушниклари узоқ кечикиш билан ниҳоят расталарда пайдо бўлмоқда.

Симсиз Airpods наушникларининг нархи АҚШдаги Apple Store дўконида 159 долларни ташкил қилади, буюртма бериш жараёни очилган, уларни расман 21 декабрдан харид қилиш мумкин бўлади. Наушниклар битта зарядда мусиқа тинглаш режимида 5 соатгача ишлаши мумкин, автоном ишлаш вақти эса 24 соатгача. «Замин»ни Telegram’да ўқинг!