Сешанба куни X ижтимоий тармоғи Verified Organizations деб номланган, бизнес ва ҳукуматлар учун мўлжалланган премиум обуна хизматига ўзгаришлар киритди, деб TechCrunch хабар берди. Энди у иккига — Premium Business ва Premium Organizations’га ажратилади. Premium Organizations давлат ва халқаро ташкилотлар учун мўлжалланган бўлиб, сивой рангли белги билан белгиланади. Premium Business эса бизнесларнинг ўсишига ёрдам бериш мақсадида ишлаб чиқилган ва тилла белгига эга бўлади.
X маълумотига кўра, Premium Business кичик бизнеслардан тортиб, глобал компанияларгача мўлжалланган. Унинг Basic, Full Access ва Enterprise каби уч тури мавжуд.
Premium Business орқали бизнеслар ишончлиликни ошириш, янги мижозларга етишиш ва affiliate badges орқали кўринишни кучайтиришлари мумкин. Шунингдек, сохтакорликдан ҳимоя қилиш, тезкор мижозлар хизмати ва ҳайрият функциялари ҳам мавжуд.
Шу билан бирга, Premium Business тармоқда кадр танлаш, брендингни кузатиш, SuperGrok’ка кириш ва бошқа имкониятларни ҳам тақдим этади. Яқин вақтда ушбу обуна тоифасида фойдаланувчиларга фаол бўлмаган "priority handles" (илғор никнеймлар) бекорга тақдим этилади. Қимматли никнеймларни эса сотиб олиш мумкин бўлади.
Basic тоифа ойига $200 (такрибан 2,480,000 сўм), Full Access $1000 (такрибан 12,400,000 сўм) туради. Enterprise эса алоҳида шартлар асосида нархланади.
Premium Organizations учун ҳам ойлик тўлов $1000 этиб белгиланган.
Чекланган вақтда, обуначилар тўланган маблағни реклама кредити сифатида 100% қайтариб олишлари мумкин.
“Zamin”ни Telegram'да ўқинг!
