Ҳиндистонда сунъий интеллект ишчилар ўрнини боса бошлади
Ҳиндистоннинг Бенгалуру шаҳрида жойлашган LimeChat компанияси мижозларга хизмат кўрсатадиган сунъий интеллект чатботларини ишлаб чиқмоқда. Улар инсон каби гаплаша олади ва компанияларга ишчи сонини камайтиришга ёрдам бермоқда.
Илгари Ҳиндистон арзон ишчи кучи билан танилган эди, аммо энди сунъий интеллект кўплаб ишларни бажармоқда. Шу сабабли қўнғироқ марказлари ва хизмат кўрсатиш соҳасида минглаб ходимлар ишсиз қолмоқда.
Мутахассислар ҳукуматдан бу ўзгаришларга жиддий эътибор қаратишни сўрамоқда. Уларнинг айтишича, кўплаб ёшлар янги касбларга ўрганишга мажбур бўлади.
Экспертлар Ҳиндистон келажакда сунъий интеллект марказига айланиши мумкинлигини айтмоқда. Шу билан бирга, компаниялар мижозлар билан алоқа сифатини сақлаш учун чатботларни такомиллаштирмоқда.
Изоҳлар 0
…