Хитойдаги XPeng компанияси XPeng Tech Day тадбирида янги авлод роботини — IRONни тақдим этди, деб хабар берди “TechNode”. Компания маълумотига кўра, бу “дунёдаги энг одамсимон робот” ҳисобланади.
IRON сунъий мушаклар, бионик тери ва эгилувчан суяк тузилиши билан инсон анатомиясини тақлид қилади. Роботнинг қўллари 22 даража эркинликка эга бўлиб, у ҳаракат ва нутқни табиий тарзда бажаради.
Унинг бошқарув тизими учта Turing AI чипи асосида ишлайди. Бу модел IRON’га кўриш, англаш ва мулоқот қобилиятини уйғунлаштириш имконини беради.
Компания таъкидлашича, IRON — саноатда илк бор қаттиқ батарея қўлланган гуманоид робот бўлиб, хавфсизликни таъминлаш учун автоматик тормоз тизимига эга.
XPeng режасига кўра, робот аввал бизнес соҳаларида қўлланилади, оммавий ишлаб чиқариш эса 2026 йил охирига мўлжалланган.
“Zamin”ни Telegram'да ўқинг!
