Тошкент вилоятининг Бўстонлиқ туманида қуввати 20 мегаватт бўлган «Чорвоқ шамол электр станцияси» (ШЭС) қурилиши бошланди, деб хабар берди Энергетика вазирлиги.
Лойиҳа 2026 йилда тўлиқ ишга туширилиши режалаштирилган. Станция фаолият бошлагач, йилига ўртача 50 миллион киловатт/соат электр энергияси ишлаб чиқаради. Бунинг натижасида 15 миллион куб метр табиий газ тежалади ва атмосферага чиқадиган 22 минг тонна зарарли модданинг олди олинади.
ШЭС орқали қарийб 20 минг хонадонни барқарор электр билан таъминлаш имконияти яратилади.
Мутасаддиларнинг таъкидлашича, бу лойиҳа нафақат минтақада энергия хавфсизлигини оширади, балки экологик барқарорликни ҳам таъминлайди. Бўстонлиқ шамол станцияси яқин йилларда мамлакатдаги энг замонавий «яшил энергия» объектларидан бирига айланиши кутилмоқда.
“Zamin”ни Telegram'да ўқинг!
Меҳмон гуруҳидаги фойдаланувчилар ушбу мақолага изоҳ қолдира олмайди.
