Facebook ўзининг мессенжерида реклама жойлаштира бошлади

Facebook ижтимоий тармоғи Messenger мобил дастурида реклама жойлаштиришни синов тариқасида йўлга қўйди. Бу ҳақда «Дарё» хабар бермоқда.

Рекламани биринчи бўлиб Messenger’нинг Австралия ва Таиланддаги фойдаланувчилари кўриши мумкин.

Мобил дастур орқали жойлаштирилган реклама эълонлари экранда шу заҳоти ёзув ва ҳавола билан сурат шаклида акс этади.

Фойдаланувчи ҳавола орқали ўтиб, маҳсулот ҳақида батафсилроқ маълумот олиши ёки қизиқтирган хизматга обуна бўлиши мумкин.

Facebook реклама ёзишмалар вақтида, фойдаланувчининг ўзи эълонга тегинмагунича, экранга чиқмаслигига ваъда берди. «Замин»ни Telegram’да ўқинг!