Хитой Ташқи ишлар вазирлиги вакили Мао Нин Х ижтимоий тармоғидаги саҳифасида Хитой мактабларида сунъий интеллект (СИ) технологиялари жорий этилаётганини кўрсатувчи видеони эълон қилди.
Унинг ёзишича, СИ технологиялари ёрдамида ўқувчиларнинг билимини баҳолаш жараёни автоматлаштирилмоқда. Бу эса ўқувчиларга ўз ишлари бўйича тез ва аниқ натижалар олиш, ўқитувчиларга эса ортиқча юкдан халос бўлиш имконини беради.
Жараён ёзма топшириқларни сканерлаш, уларни ақлли тизим орқали дарҳол таҳлил қилишни ўз ичига олади. СИ технологиялари ўқитувчининг иштирокисиз ҳам ўқувчининг қўлда ёзилган жавобларига асосланган ҳолда тезкор мулоҳаза ва тўғри баҳо бера олади.
Мазкур видео ижтимоий тармоқ Х ва Хитойнинг машҳур Weibo платформасида тезда тарқалиб, фойдаланувчиларнинг катта эътиборини тортган.
“Zamin”ни Telegram'да ўқинг!
