Россия автомобиль бозоридаги савдолар бўйича февраль ойидаги доир ҳисобот эълон қилинди. Унда Ўзбекистоннинг Ravon бренди бир ойда сотилган энг кўп автомобиллар топ-25 талигига кирди, деб ёзади Kun.uz. Компания 2017 йил февраль ойида жами 506 машинасини россиялик мижозларга етказиб берган. Январь ойида бу рақам 445 тани ташкил этган эди.
Умуман олганда, «Европа бизнеси ассоциацияси» ҳисоботига кўра, 2017 йил февраль ойида янги енгил ва енгил тижорат автомобиллар савдоси ҳажми пасайишда давом этган. Бу борадаги кўрсаткич 2016 йилнинг шу даврига нисбатан 4,1 фоизлик пасайишни қайд этган. Шу билан бирга, таъкидланишича, Жанубий Кореянинг Hyundai компанияси томонидан ишлаб чиқарилувчи Solaris модели ҳам биринчи бор энг оммабоп енгил машиналар «Топ-5»лигини тарк этган.
Россияда йилнинг иккинчи ойида жами 106 658 дона автомобиль сотилган бўлса, икки ойдаги жами савдо 184 574 донани ташкил этган. Февраль ойида ҳам энг оммабоп бренд сифатида Lada ўз ўрнини сақлаб қолган. Ундан 20 мингдан ортиқ машина сотилган. Етакчи бешликка, шунингдек, Kia, Renault, Hyundai ва Volkswagen.
Қуйидаги жадвалда 2017 йил февраль ойида Россияда энг кўп сотилган автомобилларнинг Топ-25лиги билан танишиш мумкин:
Бунда февраль ойи якуни бўйича (январда ҳам) энг кўп сотилган модель сифатида Kia Rio қайд этилган. Бу моделдан 7 033 дона сотилган. Иккинчи ва учинчи ўринларда Lada Granta ва Lada Vesta бормоқда. Энг кўп сотилган бешликка Hyundai Creta ва Volkswagen Polo кирган. «Замин» янгиликларини «Вконтакти»да кузатиб боринг
Ctrl
Enter
Хато топдИнгизми?
Иборани ажратиб Ctrl+Enter тугмасини босингМавзуга оид янгиликлар
Америкалик олимлар барча учун бирдек фойдали жисмоний фаоллик турини аниқлади
Эрон президенти жиддий баёнот берди: «Исроилдан ҳеч нарса қолмайди»
Пиёда юриш ва боғдорчилик билан шуғулланиш депрессияга чалинишни 23 фоизга камайтиради
Германияда мактаб ўқувчилари оммавий равишда ислом динини қабул қилмоқда
Велосипедда сайр қилиш учун 3 сабаб: ёшартиради, оздиради ва умрни узайтиради
Crocus терактида айбланаётган тожикистонлик Далержон Мирзоевнинг ота-онаси ўғли ҳақида гапирди
Россия дунёдаги биринчи водород ёқилғили автомобилни тақдим этди
Владимир Путин «Крокус»да содир этилган теракт учун ўч олишга чақирди