Apple компанияси Ню-Йорк, Лондон ва Шанхай шаҳарларида бир вақтнинг ўзида ўтказилган тақдимотларда янги MacBook Neo ноутбукини намойиш қилди. Дунёнинг етакчи технологик нашрлари вакиллари ушбу қурилмани яқиндан кўриш ва синаб кўриш имконига эга бўлишди. Бу ҳақда wylsa.com хабар беради.
Engadget нашри таҳлилчиларининг фикрича, MacBook Neo ўзининг ҳамёнбоп нархига қарамай, жуда сифатли ва қимматбаҳо кўринишга эга. Алюминий корпуснинг ранг-баранглиги фойдаланувчиларда ижобий таассурот қолдирмоқда. Шунингдек, 9to5mac вакили Ченс Миллер клавиатура дизайни ва ранглар уйғунлигини алоҳида эътироф этди. Бироқ, клавиатуранинг конструкцияси баъзи экспертларда шубҳа уйғотди – у аввалги «капалак» механизмларини эслатиб юборади. Tuchpad эса жуда сезгир ва равон ишлайди.
Қурилма савдога 11-март куни чиқарилиши режалаштирилган. АҚШ бозорида 256 ГБ хотирага эга модел 600 доллар, 512 ГБ ҳажмли версия эса 700 доллар этиб белгиланган. Apple мухлислари янги ноутбукнинг кундалик фойдаланишдаги имкониятларини синаб кўришни интиқлик билан кутишмоқда.
“Zamin”ни Telegram'да ўқинг!
